المشاركة الأصلية كتبت بواسطة مساعد الرشيدي
مساء الشعر لغرابيل وشعراء غرابيل
وأشكر الشاعر عبدالله بن راجس على دعوته لي لأشارككم الشعر والاستمتاع به
سيف العشق مصافحتي الأولى لكم
[poem=font="Simplified Arabic,6,white,bold,normal" bkcolor="transparent" bkimage="backgrounds/26.gif" border="solid,8,gray" type=2 line=1 align=center use=sp num="0,black"]
كيف أطفي الريح بثيابك وكيف اشعلك
=كيف اتنثر على جمـرك وكيـف احتويك
نقضت ليل الحرير وجيت ماانت لهلك
=سمّيت باللي فتني بـك وقلت ابتديـك
هذا اول الدرب او هذا الطــريق اولك
=جيت آتوقّا عذابات المدى 00واهتديك
شوقـي مسافـة وهمساتـك مـدار وفلك
=ان ماظميتك غلى 00ياعلني ماارتويك
إية اعرفك واعرف اني من غلاك اجهلك
=مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
=وانشد كفـوفي عن اخر سالفة من يديك
أعـنّ لك لـو تصّـب المـوت 000واتهيّلك
=واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك
=ماتشوفني حي قدامك وانا امـوت فيك
اشتقت لك قبل اجيك وجيت واشتقت لك
=البارحة طول ليلي بين هذي 00وذيـك
مليت جمـر انتظارك واستحيت أسألـك
=واحسبتني ما بعد جيتك وفكرت اجيـك
اثرك بقلبي من البارح وانا استعجلك
=واثري نسيتك من الفرحة وقمت احتريك[/poem]
