الشــــــــــــــــــــــ ـــــــــــــــــاص ؟؟
[poem=font="Arial,5,tomato,normal,normal" bkcolor="transparent" bkimage="" border="ridge,5,orangered" type=1 line=0 align=center use=ex num="0,black"]
قم ياالنديب اللي تودي المكاتيب= وخل الضعيف اللي تكسوى ثيابه
وركب على شاص جديد التجاريب =اثنين دبل صفر وثلاثه كتابه
له وقفةٍ بتقول حر المراقيب =والاّ الغضنفر ويل من ذا عدابه
يطوي خطوطه مثل طي المكاتيب =يجلي هموم السايق اللي مشابه
استغفر الله مايحسّب تحاسيب =والضد يهل الكيف يحسب أحسابه
الله واكبر مالقينا عذاريب =سوقه غريب رابح من شرابه
يطلع مع الشرقه مثل طلعة الذيب= مايركبه ياناس غير الذيابه
محملنّه شوق غالي مع طيب= وزكى سلامي يحمله بالنيبه
واضحى الضحى بيني وبينه حواجيب= يمشي بستر اللي يمشّي سحابه
له وجهةٍ لديار أهل المواجيب =كسّابهالمعروف أهل اللبابه
وصلاّ صلاة الظهر برض المعاطيب= نجد العذيّه مهتوين الحرابه
ديرة حبايبنا بلا شك او ريب =هي مقصد المحزون واللي نوابه
وليا مسكت الدايري منت بتعيب =طالع يمين وشد عين الرقابه
ونته تحسس كان قربت قريب =تلقى بيوت ماعليها غرابه
وما ريتك قصر الفرح يامناديب =قصر الف ليله في يمين الندابه
وجهتك شرق وجهت الناس تغريب= لوا عذاب المبتلي ياعذابه
حاله صعيب ٍ والليالي مصاعيب= والناس محد ٍ عارف وش جرابه
هذي مقادير الولي والمكاتيب =أرسلت مرسولي وعجّل وجابه
واذا وصلت المطعم اسمه ترا عيب =المكدونالدز لعنبو من شرابه
فخلّه على يمناك وجن المكاسيب= ياتيك بعده مفرق به خرابه
ياخذ يمين يوصّلك للمعازيب =كم ليلة ياذيب قلبي خذابه
أركب عليه ورتب العلم تريب =ودخل مع ثاني مداخيل بابه
هذاك مدخل حيهم يامشاهيب =حي العروبه مسكنه مانشابه
ثم خذ يمين وعذّب العلم تعذيب =تاتيك فتحات يمينك سرابه
الثالثه مدخل زعيم الرعابيب =هي مقصدي هي منيتي ياهلابه
أتشوف بيت أحبّيبي والتراحيب =تلقاك سعد المغترب لاوزابه
تلقى الأنس والطيب وأحلى المشاريب= هذاك زاد القلب والاّشرابه
سلّم عليه وبلّغه بتسابيب= وخلّك فطين وفاهم الأجابه
وقلّه ترا منصور يشكي المضاريب =وطعون بعدك يابعيد القرابه
وقلّه ترا منصور ماله مطا ليب= الا الوفا والعطف منك لجنابه
دايم أشوفه قدم عيني ولا يغيب= اواصله وشتاقله في غيابه
مر ٍ اصيب وبعض لمرار ماصيب= ونحمد الله صايبه في مصابه
يالله ياللي يعلم السر والغيب= فرّج عن المكروب اللي لوابه
وجمع قلوب فرقتها التغاريب= يللي جمع يعقوب باغلى احبابه
تمت وصلوعد ماذرت هباهيب= على محمد خير من يقتدابه
وسلامةروسكم
بن حيان
[/poem]
