المشاركة الأصلية كتبت بواسطة محمد السليس
لموقف ما
من القديم
جات وجرت هالبويتات المتواضعه
[poem=font="Simplified Arabic,5,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
اضربها منا ومنا ومناك = وعدل وبدل لين تطلع قصيده
سويت نفسك فاهم ٍ واسع ادراك = وانك لحالك يالوليده وليده
تحمد الله ثم عقل مطاياك = ترى الكواكب في سماها بعيده
ترى البعير ليا حرشته توطاك = والــصم شدوقك لاترد النشيده
عيبن على الشرهه تعنى لشرواك = منتب بجملهــــا ياجضيع النضيــده
قدام تبحثنى .. واطلع خفاياك = سقها على وجهك .. وفرصه سعيـــده
علم ٍ يجيك وياصلك ويتعداك = والعلم واضح والعباره مفيــــــــــــــده
بانت علومك كلها واكتشفناك = تضحك وفي قلبك علينا وقيده
قتات لو تبرق مقادم ثناياك = ويبي يطاولك القبر وانت فيــــــده
بعدين لك ربٍ بماقلت يجزاك = وتلقي الجزى فالمبطيه والجديده
اشقيت حالك يالمنافق بدنياك = والاخره تلقي الزهيده زهيـــــــــــده
تلقي حصيلك من عواقب سواياك = ولاعاد تلقي عذرها يالبليده
رب عليم بما قلبتــــــــه نواياك = لو هى مشت بين المخاليق سيــــده
جندت خبثك فى علومك على..أ هواك = في بالك الدنيا قصورٍ مشيده
يفضحك ربي وانتبه لو تركناك = تمكر ومكر الله على من يريده
مالى ومالك والردى ساس مبداك = تلعب على الحبيلين سلم وعقيده
بالوجه هاك ..ومثل. وجهك مقفــــاك = فرقاك عيد ...وربنا لايعيــــــــــده[/poem]
