لــــــــــــــــــــــــ ـــــــــــــــــــــــــ ـــــــــــــــــــيلى
[poem=font="Arial,7,black,bold,italic" bkcolor="transparent" bkimage="backgrounds/7.gif" border="groove,10,indigo" type=2 line=0 align=center use=ex num="0,black"]
تعبت من الزمن روحه وجيه=ولا لي بالليالي مقدريه
يقوله من يصارع بالليالي=ولكن ذمته منها بريه
ولكني مع الشُعار شاعر=بنات الفكر تكتبها يديه
ليا مني بدعت من المعاني=عزومي قبل تبدعها قويه
ولامني نظمتك يا قصيده=انا عمّ الحروف الأبجديه
سواة الغيث من غرّ السحابه=سحابه وبلها فيه برديه
وانا ماقول انا شاعر زماني=انا اعرف مدحتي نفسي خطيه
ولا يا بنت هاك من المثايل=مثايل صاغها راعي حميه
بعد ما قلتي اني من ربوعك=بسوق القاف سوق الشاذليه
انا من يستريح الدهر عنده=وتحسده الليالي السرمديه
فلاني مثل ابا الطيب وشعره=ولا حتى فحول الجاهليه
ولاني مثل قيس ابن الملوح=ولانتي مثل ليلى العامريه
ولاني مثل ابن لعبون ولا=كما محسن وشعر السامريه
ولكني ليا عاينت نفسي=ولاني مثلهم مني وفيه
يعوّد صاحب العقال عاقل=ويرجع صاحب العيات عيه
ولا يا بنت هاك من الضماير=معاني ياكلن الكبد نيه
انا ظالم وانا مظلوم منكم=وانا الجاني وانا المجني عليه
كذا طبعي محاربة الليالي=ودايم بيننا نيران حيه
انا ماني موخر عن ضنايه=ولو يقفون قدامي سريه
وانا ماني بتارك نور عيني=ولو يعطون فيه الفيصليه
الا يا بنت لن قصدك عذابي=فنا ماشي بدرب المهمهيه
ولا يا بنت لن قصدك شقايه=فنا روحي من اسبابك شقيه
ولا يا بنت لن قصدك مماتي=فنا وصيت من بعدي وصيه
انا لن مت ودوني بساعه=ومروبي على نجد العذيه
وقولو هاك هذا من ذبحتي=ولا نبغى من الدّيات ديّه
إلك عمره هديه في حياته=وبعد الموت لك روحه هديه[/poem]
