ارتكت فوق متني وانتثر ليلهـا 00 وأختلف عندي التوقيت ليل ونهار
[poem=font="Simplified Arabic,6,white,bold,normal" bkcolor="purple" bkimage="" border="none,4,gray" type=1 line=0 align=center use=ex num="0,black"]
دمعــــة الحــب
ارتكت فوق متني وانتثر ليلها = واختلف عندي التوقيت ليل ونهار
دلة الصبر في صدري طفح كيلها = في مساء اليوم زادت نار الاشواق نار
فاحت الدله اللي زايدٍ هيلها = وعنّ للكيف راسٍ من ضرمها استدار
من سبايب عنودٍ نافله جيلها = كل عذرا اليا مرت عليها تغار
مطرقٍ كن غصن البان يومي لها = يوم مرت تمخطر في حيا وافتخار
حلوةٍ حلحلة حالي برد حيلها = روضتني وأنا رجلٍ عزيز الوقار
من غلاها بقلبي زاد تدليلها = شيخ قومي ومعها ما اتخذت القرار
كل يومٍ وأنا اكتبها واغني لها = كني الطالب اللي في نهار اختبار
دمعة الحب مامرت بمنديلها = طفلةٍ خصها الله في عذاب الكبار
تحياتي 00 جمعان الرشيدي[/poem]
