[frame="7 10"]
[align=center]السلام عليكم ورحمة الله وبركاته...
العفو على هذا الإنقطاع الطويل وأرجو منكم السماح
وأهديكم هذي القصيدة عسى إنها تعوض عن هذا الإنقطاع
وهـــــــــــــــــــــــ ـــــــــــــــــي :-[/align]
[align=center]الشيب[/align]
[rams]http://www.dwaihi.com/poem/31algrba6.ram[/rams]
[poem=font="Traditional Arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا سأئلة عني اتركي حالي لحال ٍ ما تطيب=رجواي رجوى من رجا الجنة وهو ما يوم تاب
لو تتركيني لعلتي والصمت عن هرجي يجيب=لا تسأليني شالذي بين مراسيل المشاب
لا يدهشك شوف المشيب اللي بدى ما هو غريب=وش عاد لو راسي غدى أبيض وأنا بعز الشباب
ذا نور أيام ٍ مضت راحت مع ذاك الحبيب=ذكراه يمكن غيرت لون الشعر والراس شاب
منظر شبابٍ شايبٍ يبهر ولكن ما يعيب=العيب من ينسى عهد أقسم له برب الكتاب
لا لا يكدر خاطرك شوف الشعر لونه سليب=وش عيب وضاح القمر لو بان في ليل العتاب
هذا مهو شيبٍ أبد هذا بقايا من نصيب=الشيب في وسط الحشى ينبت على أطراف المصاب
يمكن جروحي بدنيتي لو يدركه راضع حليب=شيّب قبل لا يبتدي في لثته ضرس ٍ وناب
لا صدّقي ما هو بشيب لا صدقي ما هو عجيب=لو علتي يْبوحبه شيبي نبت فوق الثياب
الشيب لا مني نظرت الوان دنياتي تغيب=الشيب لا مني نظرت الكون واحة من سراب
الشيب لا مني طلبت الموت وأكفى ما يجيب=الشيب لا مني أعيش الموت وأحيا به عذاب
أشيب لا مني أصيب الفعل وبحظي أخيب=وأعوّد في جرح ٍ قوي أعالجه ودواه خاب
الشيب لا مني أداري الدمع عن أقرب قريب=وكل ما بكفي أمسحه القاه عاود ثم راب
الشيب لا مني أكون بديرتي مثل الغريب=وأمشي معى ناسي وأنا فكري بعيدٍ بغْـتراب
الشيب لا مني أطفي النار بكفوف اللهيب=الشيب لامني كسير النفس في جسم مهاب
الشيب لا من أدفع الدنيا وسيلة للحبيب=وألقاه لحظة موصله جثه يغطيه التراب[/poem]
[align=center]أخــــــــــــــــــــــو كم
محمد مطلك الجــــــــــــــــــربا[/align][/frame]
