الحياة من غير البنات ماتسوى....
يقولون ان...البنات الطف الكائنات...
<<= احس ان اللي قالها مايسمع ولايشوف ولا ماكان قالها...
اجل وين راحت باقي الكائنات ..العصافير والدجاج والنسور..
بسم الله علي أي نسور..
سوري نسيت النسور نوع من الدببه اكله البشرولا انا غلطانه ..
هع
يابنات لاتزعلون انا اقصد انكن حلوات وظريفات ولطيفات ...
فهمتوني...
وشعارنا دائمن..
" الحياة من غير بنات سلطه "
.
.
بس في اوقات تقلبن وتصيرن قويات وتصرفن انفسكن عن ميه رااجل ...وتنسون شئ اسمه لطف ورقه...
<<= هذا حال السحالي تتغير وتقلب على حسب المكان ... دعبوبه
ومايثبت صحه ذلك....السالوفات التي صارت بتلك الليلتون التي لن ولم تنسى...هع
عاد تصدقون يابنات اشتهيتكم تكونون معنا بهالاوقات الحلوة..
كنا مجتمعين حنا ياالبنات بمزرعة الوالد بس بناتيات بعمري واصغر مني وانا كنت اكبرهم
وبحكم هالشئ صرت القائد لتلك الرحله المخبصه اللي من اولها مهببه...
وصلنا ولاباب المجلس مفتوح ومليان غبرة وجينا بدون خدامات لان نبغاها جلسه بناتيه بلحالنا...
وطاح كله براسي من كنس ومسح هالغبرة....
<<= حسبي الله عليهم هلكت ولا احد حس منهم ونظف معي ...
في البدايه كان معنا الوالد وااخواني يرتوبون لنا الجلسه ويضبطون السريدان والضووللشوي
وحنا معاهم...
وعقب مشو وخلونا بلحالنا يمكن طعش بنت من اهلي بنات ضعيفات مالهم حول ولاقوة..
<<احم احم دامي انا معهم لاخوف عليهم ولاهم يحزنون ....
فليناها استهبال ورجه وطقطقه واكل وشرب ولعب ...
وهات لك يادندنه وكلن يستعرض عضلات صوته...
كل اللي اعرفه وواثقه منه ان هالاصوات الرنانه كان لها دوركبير في انها تكش وترهب وتمنع
كل من سولت له نفسه انه يطب علينا اومجرد محاوله انه يدخل عندناويخرب قعدتنا
سواء من انس اوجن...
<<= الله رحمكم انكم ماسمعتوها
وشوينا من كل اللي يحبه قلبكم ...
يوم جاء دور الكبدة منها لله اللي خربته علينا بنصيحتها اللي كنها وجهها...هع
بالمناسبه تراكن معزومات يابنات فيها .... الاسبوع مو هذا اللي بعده ..
وان شا الله تنبسطون بالجلسه وعلى ضمانتي..
<<= الله يخلف عليهم
.. و ظلينا فيها اليما الساعه يمكن 1 ونص وبعضهن مشن قبلنا بشوي
كان ودنا نكمل بس بعض الناس الدببه ماتحملو يسهرون اكثر ويتركون السبات الشتوي حقهم
و دخلوا بالغرفه وناموا كيفهم هم اللي خربوا على انفسهم ...
قضينا وشلنا قشنا جاء خالووو يااخذبنياته الشيووووون ...
دخل وحنا محوطين عالضوو وانا لابسه الجبه وتحتها بالطو جنز طويل لتحت الركبه
مع بنطلون ..صايره شيخ القبيله "فؤاد"...سلمنا عليهم ويمسكني بالتعليقات ..
<<=يااختك جلسه بنات خلونا ناخذ راحتنا في ذا المزرعتنا ..هع
عجبه الوضع جلس معنا شويه...
قامو بيروحون لبيتهم راحت اختي المسكينه تصحي بنته الدب خايسه النوم..مسكينه اختي تعبت
بالموت صحت...
المهم ...مااذكر وش جاب الطاري بانه يتحداني اشغل السيارة ..والخ
قبلت التحدي وقلت له هات.... اخذت المفتاح ..هو على باله اني امزح معه ..
والكل كان يتحداني عارفيني احب هالحركات ...عندي طموح اني اسوق
وافتح السيارة واركب سميت بالرحمن دخلت المفتاح
واحركه واحد اثنين ثلاثه ..تشششش طن طن طن...
قام التصفيق والصيحه ...وانا نافخه احم احم..
كان ودي اكمل واحط رجلي عالبنزين بس اخ من يعطي سداح فرصه ...
<<=تراني اعرف بفضل دروس اخوي النظريه اللي يعطيني اياها...
وقبل ليعلمني كل مرة يقولي احلمي تسوقين انا بس اتسلى معك ...
مع ليه لنا الله..
نرجع لسالوفتنا
ويقوم خالي ويطلع القبوع من السيارة ويلبسني اياه ....
يلااا ياقاهرهم...وانا وجهي طوووط من الاحراج ...
هع
هع
والله من جد يوم لاينسى....
وفي النهايه مهما يحصل نرجع ونقول
البنات الطف الكائنات...
تحياتي الذهبية...
دمتم سالمين...
