القصيدة السادسة لأيلاف ... إستقاله
السلام عليكم ورحمة الله وبركاته :
هذي قصيدة جديدة ويمكن تكون اخر قصيدة إن ماتوقفت الرسايل الخاصة :
[poem=font="Simplified Arabic,5,black,normal,normal" bkcolor="transparent" bkimage="backgrounds/16.gif" border="double,4,gray" type=0 line=1 align=center use=sp num="0,black"]
امس قبل انام كنت اقرا رساله = مع هدوء الليل وبحالة كئيبه
من حبيبٍ كل مايطري خياله = أفتخر أني معه ( أجمل حبيبه )
أتجمل وأعشقه حد الثماله = يبتدي عمري معاه وينتهيبه
أكرهه كره النشامى للنذاله = واسهره من طلعة الليل لمغيبه
أتلاشى في جنونه واعتداله = واتبعثر في تفاصيل ٍ عجيبه
طيبته .. بسمة شفاياه .. إحتماله = هيبته .. صمته على ناس ٍ مصيبه
ضحكته .. وسامته .. ليل إرتحاله = لاخذاه الحزن لأحلام ٍ غريبه
أذكر أني قلت له والقلب داله = ماأحبك !! قال لي وبكل طيبه
الهوى لولاك كيف أطلق حباله = وأنتي اللي من معاناتي قريبه
قلت يعني ايش !! قلبك كيف حاله = قال عايش .. إنما بحاله عصيبه
آآه يا ايلاف يكفيه إنعزاله = وكل قلب بالحياة وله نصيبه
وأذكر أنه كفكف الدمع بشماله = قبل ماينساب من خده لجيبه
قال كيف أنساك يا أم الجماله = ياحنونه .. يامثيرة .. يا أديبه
ياغرام اشوف عمري من خلاله = ياحضن دافي كذا ثلجي يذيبه
ياوطن ماعاد يعنيه إحتلاله = ياطموح أما أجيبه أو أجيبه
وأذكر أني ضعت مرة في سؤاله = يوم قال الحب من يفرض نحيبه
قلت مدري ؟؟ قال هذي استقاله = من هواك وبس من شك ٍ وريبه
سافر لغيري وأنا ارجي وصاله = مثل من يرجي قبل موته طبيبه
لو ( أمل عبدالعزيز ) تمر باله = كان ماسميتموها بـ ( الرهيبــــه )[/poem]
