غرابيل في ذاكرة متصفح .....للذكريات (1)
غرابيل في ذاكرة متصفح .................للذكريات
الحلقة الأولى (1)
مافيه بداية ولا نهاية
فكرة ومرت بخاطر يعني :
علومي طرا لي أبيح سدودي
وببدي بقلبي علوم ٍ خفيه
هي مش خفيه أوي
لأني ما أحب أكتم مشاعري أكثر من اللازم
لكن حبيت ها الفكرة
وعادتي أحب أكتب عن أي شي : أحبه / أكرهه / أستلطفه/ .. الخ
يعني مثل ما يقولون مشاعر .... أي مشاعر حتى لو نوع من التونة حبيتها
إسمها التندرينا بس تونه نا عمة وفاخرة حبيتها ! ليش ؟ ما أدري
كيف حبيتها هذي عاد يبي لها موضوع لحاله وكتبت فيها بيتين ... المهم
نرجع لغرابيل
غرابيل شنو؟ ! كيف صارت ؟ مدري !!
المهم إنها صارت / صار بالأخير منتدى أحبه وفيه حبايب كثيييييييييييير أحبهم
حبيت أكتب عنهم ! ولهم ! وعليهم !
يؤ عليهم !!
يعني نقد ؟
لا مونقد بس يعني مثل ما يقولون ( يمون / أمون )
المهم كتبت !
وبعدين ؟
ولا شي !
المهم إني قاعد أكتب وكتبت اللي بخاطري !
زين ؟
إن شاء الله يكون زين ! المهم إني كتبت وبالأخير أكيد راح أفيد وأستفيد !
هذا يقول : الله يعطيك العافية
والثاني يقول : رائع
والثالث : يرسل لي رسالة توجيه
والرابع : يزعل مني وأرضيه وبالأخير نكون حبايب
والخامس : يقول الله لا يبلانا
والخامس يقول : جعلك مير أبالقدّم
الخ .. الخ .. المهم إني حسيت إني مع الناس
صح ولا لا ؟.
صح طال عمرك ! على قولة بعض العرب
طيب الهدف؟
الهدف .. الهدف ... الهدف
حسب تذوق كل شخص قصدي كل هدف جائز !
يمكن يكون الهدف واضح مرات ومرات مو واضح لكن السبب هو المهم !
وإذا عرف السبب بطل العجب مثل ما يقولون !
وهذا اللي ممكن ما يعرف عنه إلا البعض مع العلم إني ما قلت لهم
لكن ممكن يستنبطون السبب حسب معرفتهم .أو حتى اللي ما يعرفني يعرف في آخر الموضوع
لا .. مش معقول الكلام طال والمسألة تشعبت !
الصبر طيب
والحلم سيد الأخلاق !
تعالوا مثلا نحلل كبداية
مثلا تذوقي لخواطر جوري
تشعبت فيها !
عادي ..
بصراحة خواطر تجذبك !
من هي جوري ؟
اللي تكتب خواطر الترميز !
مثل عبد الواحد !
ومن هو عبد الواحد ؟
مثل احساسـ !
ومن احساسـ ؟
غريبة والله وش يقول ذا ؟
مدري هي تسذا !
طيب يا أخينا تعال أنت خبصتنا .. شوي تتكلم فصيح وشوي تتكلم عامي ؟ مره تقول صح لسانك !
ومرات تقول أخي الكريم !
من احساسـ ؟ ومن جوري ؟
ومن رنيم ؟
يؤ رنيم اللي ترنـّم! يعني بالحتسي ؟
!!!
الإنسان هذا اختلف ( انهبل ) ( جن جنونه ) !
عاد هذا اللي صار خويكم وتحملوه ولا بصركم !
بصركم ؟!
على طريا العامي وش يعني جعلتس النقزة وينكسر بتس الغصن !! وش هو غصنه عاد ؟
غصن عنبه ولا غصن سدره ؟
عاد غصن العنبه ضعيف ينكسر !
لكن غصن السدره عريض !
يا حظ غصن السدره !
لا حووول من يجاوب على كل ها السوالف ؟
هذي يمكن يجاوبها بقايا !
بقايا ؟ وش بقايا !
أو قيس بن الملوح !
قصدي الشاعر محمد الشمري
يا هو شاعر أحبه !
مدري هم معنا ولا ما بعد جاو / شرفوا !
وإذا ما هم فيه أكيد وحده / واحد يعني مثل :
أمل أو هجوره أو سعود أو ذيك وه يا ملحك أم ساسا ! بيجاوبون
المهم نرجع لغرابيل . إيه غرابيل الحلم .
وش العشا اليوم ؟
المعذرة ما نيب ميدكم !
حلوه ميدكم ... وش يعني ذي
طيب طيب نرجع للـ النص / المتن / الجسم الرئيسي / قوة الهجوم / الزبدة /بس ما هي دانمركية ... تسقط الدانمرك بزبدها وجبنها ويعيش الإقط
أبو عبد الرحمن :
تعال أبو عبد الرحمن
يا خي أنت ... أنت ... أنت
القوة الضاربة
من تحاكي ؟
أبو عبد الرحمن !
من أبو عبد الرحمن
الجسم الرئيسي !
مدري ! يمكن : شاعر / معلم / أخ / إداري /فيلسوف /شاعر / دب / لا .. لا ..
لقيتها (إنسان )
أكيد آخر كلا م ؟
إيه آخر كلام !
ليه طيب ؟
لأنه مواقف !
يعني وش مواقف ؟
يعني تلقى موقفه / وجهة نظره / تصرفاته / حروفه / مشاعره / خرابيطه .. كلها تصب في الإنسانيه !
عجيب؟ وش دراك ؟
جربته !خاويته ! تهادّيت معه ( تهاوشت) وتهاديت معه .بس نفسي أحضر له حصة في المدرسة !
وش معنى ؟
ظنكم بيشيل بيده عصا ويقطّع يدي ورجلي بالفلكه أوبيروعني بخاتم زيران مثل اللي روعني به أستاذ بكر !
الله يرحمه أستاذي سعد بكر ما كان يضربني ! لأني يتيم ! .. كان يشيل خاتمه من يده ويلبسني إياه
ويقول لو ما حليت الواجب بكره بيدخلونك سكني ( الجن ) اللي في الخاتم ومن بكره أجي حال الواجب !
استاذي أبو عبد الرحمن : عندك خاتم ؟
ولا عصا مثل استاذ يوسف جارنا الفلسطيني اللي تم مقاطعته بواسطة
الوالدة الله يرحمها ( حظر جميع الصادرات من البيض المحلي لعائلة الأستاذ يوسف وحظر جميع الواردات
من الزيتون والجبنة البيضاء بعد أن سالت الدماء من رجلي ويدي بسبب ( الفلكة ) حتى
تم الإعتذار من عائلة الجبارة .. الله يا زمن ! الله يرحمك يمه كانت تساندني في أحلك
المواقف !! )
ما علينا .. ربي يخلي لنا أبو عبد الرحمن اليوم ودوم لو كنت أكبر منه أحس إنه خالي
يعني المفروض يقول لي يا خال وبس . بعض الأعضاء هنا وهناك يقول هلا جدي واللي يقول هلا يبه
طيب أوريكم جدو وخالو وعمو !!
على فكره ترى الترتيب هنا ماله دلالة أبجديه ولا أفضلية ! لكن على قولتهم ( أقرب جهاز!! )
ولا ترى الكل والله العظيم عندي سواء الكبير والصغير الأخ والأخت الإبن والبنت
وكان أقرب جهاز ابو عبد الرحمن ... ألو حوّل
الله يهديك يا فهد معص الفيش !!
خلنا نشوف من الدور عليه
يا خي ذا الوراعين الظاهر إنا جبناهم وحنا نركض ولا قلنا بسم الله
الله يصلح العطا .....ششششششششششششش
انقطع الإرسال
بايو
رجع الإرسال
ياللي بعدو
الشيخ فارس قبيلتنا !
فارس غرابيل
على وزن مخاوي غرابيل !
طمسوها ذي وصرت مراقب عام بالأحمرومع المطر الفرامل ما تمسك سال الأحمر على البرتقالي !
حساسة يا عوينك دورك جاي جهزي كمام انفلونزا الطيور !!!
هههه بتنهبل البنت عاد وهي حساسة
ما علينا
ها الآدمي بس تتخاطب معه تحس انك محترم لما تكلمه وتاخذ وتعطي معه
/ خدوم / أخلاق عاليه / مواظب /متواجد / صريح / يزن الأمور في موازينها / محترم / نبيل
طيبته تغلب باقي الصفات !!
ما قابلته لكن أحس بنقاء مشاعره من بـُعد ونظرتي ما تخيب إن شاء الله / أحب يكون خويي في غرابيل
وفي الحياة الإجتماعية .
اللي بعدو
أمل عبد العزيز
أمل هذي شغلتها شغله يبغى لها كتاب لحالها .. ليه ؟
الشيوخ أبخص !
هذي بنت أجواد / شيخة !
موشيخة يعني أميرة لا ! قصدي
أفتخر تكون بنتي أو أختي الصغيرة !
ليش ؟ !
واثقة من نفسها / مثقفة / لبيبة / قوية / هامورة تحب تستولي على محبة أكبر عدد من الإخوان/ الأخوات
نالت من صفات الرجال القوة ومن النساء الرحمة واللطف ورقة المشاعر .. واثقة من نفسها /غير قابلة للإستفزاز من قبل الغير
تمنيت يوم من الأيام تصير بنتي مثلها أو صديقات بنتي مثلها . أتذوق إبداعها بشغف ولو لم أسجل حضوري
لعل ذلك يعود إلى غزارة إبداعها وقلة متابعتي .
الى اللقاء مع الحلقة الثانية وأعضاء آخرين
ذكريات
عضو ما قيـّل والجو مغيم ومطر .
