ألفيـــــه (((للــوطـــــن)))
السلام عليكم ورحمة الله وبركاته
هذه القصيده كتبتهااا قبل خمس إلى ست اعوام
بمناسبة العيد الوطني للكويت الحبيبه
اتمنى ان تحوز على رضاكم
أقــــــول
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
ألف اولف من حروف القراية=ابيات منبتها روابي حشايه
بنيتهاا للحق رجم وراية=والحق واضح بارز مثل الأعلام
والباء بداية خير ما بدى سلامي=باسم الله الباقي له الملك دامي
رب لمرضاته سجدنا صيامي=وموحدينه بالشهاده والأسلام
والتاء تحيه للكويت الحبيبه=دار لها بالعز فخر وهيبه
تلقا بها طب الجروح العطيبه=يسلم بها من كان شعب وحكام
والثاء ثمرهاا تقطفه كل ديره=أم الشعوب المعدمات الفقيره
من طيبها لا جابو الخلق سيره=يدعي لها بالخير عابد وصوام
والجيم جعل ايامهاا في سعاده=حيثه يحقق من لفاها مراده
يلقا بها المضيوم طيب الوفاده=ويعيش مرتاح على عكسه العام
والحاء حملها فوق مفرق متونه=حصن منيع ما تزعزع ركونه
جابر عسى ربي لشعبه يصونه=شيخ ولد شيخ وقايد ومقدام
والخاء خبير بالامور الكبيره = ما يلتفت لتافهات الصغيره
حكيم ما ياكن على العقل غيره= يشهد له التاريخ من عدة اعوام
والدال دنا فكرنا للمهند= سقم المريض اللي عن الحق عند
سعد ولجل الحق نفسه جند= ملجا لمضيوم شكا ضيم واهيام
والذال ذرب عز حرمه وشايب =فكاك ميلات الزمن والعقايب
ما ذكر منهو بحاجته رد خايب= عزمه قوي والخير في حضرته دام
والراء رمانا جارنا والفجيعه = احتل ديرتنا واخذها ذريعه
حتى اليهودي ما يسوي صنيعه=جعل المرض يقتات من كبد صدام
والزاء زمان أغبر وحن عارفينه=والحمد لله حقنا ما خذينه
هذا كتاب اعدونا كاشفينه=ملعون ملعون وجاحد وظلام
والسين سجن احبابنا من يفكه=عشر اسنوات اطوال نبغى ندكه
الهم جاير للفرح باب صكه=وطال أنتظار الناس والحق ما قام
والشين شلع الضرس احسن دوى له=تركه يزود به مراحل اهباله
كل عطا الله عقله كماله=وش فايدة تنديد الاخبار واعلام
والصاد صبر شاب فينا وجوده=عجز الصبر والموت يفني جنوده
يترك يدينا ثم نرجع نقوده=والحال جلد وقلب تمشي بها عظام
والضاد ضم الوقت حزنه علينا=إلى متى وحنا نصفق بيدينا
حنا رجال ننتخي لنتخينا=درب المذله ما نخطيه قدام
والطاء طبايعنا تحتم علينا= بالواجب اللي نعرفه كلبينا
نمسح دموع المبتلي من حدينا=لامسته يد المعادي والاجرام
والظاء ظلام الليل عفنا وجوده=ما فيه نور للمسافر يقوده
هذي وصوف الوضع ما شتد عوده=انهد فينا سد للصبر مادام
والعين عين اسرى الطواغيت تسهر =من شي يشوفونه عمى عين يقهر
يرجون حق غايب لين يظهر=ما يحتمل قعده وتفكير واحلام
والغين غايبنا لزوم نجيبه =لازم نرجع للحبيب حبيبه
في صبرنا والله عار وعيبه=حس لهم كله دموع وتهكام
والفاء فلذات الكبود الجريحه=احد عليه امه عليله طريحه
واحد عياله يطلبونه بصيحه=واحد طواه اليأس وضلوعه احطام
والقاف قولوا رحمة الله عليهم=اللي فدوا من دون تربة ذويهم
أهل الشهادة عدهم كل بيهم= في جنة الفردوس منزالهم هام
والكاف كل الناس تجهل قضاها = كل يودع حاجته ما نهاها
موتة شهادة سعد منهم لقاها = يودع الدنيا لجنات وانعام
واللام لا لا وشي تنويه لا لا = بنذود دون حدودنا من شمالا
وان كان تبغى سابقات الفعالا =دونك رجال صكت الحد بحزام
والميم ما والله ترتاح عيني = واطرد هموم كل ليل تجيني
الا بعودة غايبين السنيني = متحررين احرار من قيد الازلام
والنون نهدي للكويت السلاما = يساق به ريح النفل والخزاما
بعداد من كبر وصلى وصاما = عسى عيدك يعود عام ورى عام
والهاء هل الصملات والياس ناسك = حتى انكسر راس المعادي براسك
واعد نفسي من دعامات ساسك =ارخص لك الغالي على مر الايام
والواو وحدة صفنا راية الدين = ارخت عراقيل الزمن والوفا دين
على الوطن نبقا حماة شديدين= نفدي فدى بالروح في عج واكتام
والياء يا ويله كل ظالم وجبار = ملفاه من قبر على لاهب النار
جزاه ما خرب ودمر من اديار = جاحد وعاصي عيشته حرب وخصام[/poem]
وسلامتكم
رحم الله الشيخ // جابر الاحمد // واسكنه فسيح جناته
اجمل التحاياااا
محمد العجمي
