المشاركة الأصلية كتبت بواسطة فايز الماجد
اخوي الغالي
محمد الجبريني
بداية تحية احترام وتقدير لشخصك الكريم
قصيدتك طالما أنها نقلت هنا فمايحتاج أوضح لك السبب لأن في هالقسم الأخوان بيساعدونك
ويوضحون لك الأسباب
عشان يكون في أجماع على عدم صلاحية قصيدتك من ناحية الوزن
لأن هالقسم للمساعدة
وانت يبدو لي من كلامك ان الاخوان سبق وان نقلوا لك مشاركات هنا
يعني مازلت تكابر
واذا كان على لقب شاعر أو شاعرة اللي يكتب تحت المعرف
فهو ماهو مقياش لشاعرية الشخص
بقدر ماهو تشجيع
والانسان وانا اخوك اذا كابر ماتعلم
وكلنا مازلنا نتعلم
ومافيه احد وصل لحد الكمال
لأن الشخص اذا حط في باله انه وصل لهالمرحلة ماكتب شي وقل على شاعريته السلام
أنا احترم الشخص اللي يحط في باله انه مازال يتعلم
اللي ابيه منك وانا اخوك
انك تستمر
لو قصيدتك كل ابياتها جت مزونة مثل هالبيت مانقلتها هنا
واعجبني البيت
مـا حلـى المسـرى علـى ذاك الشـبـح
مـنـوة الـلـي لاســرى داره بعـيـد
والابيات اللي تقصدني فيهم مع تحفظي على ماكتبت بالبيت الأخير
بالنسبة لردك تراني مافهمت شي
أبد
وأعتبر أني ماقريته
لأنك تجاوزت حدودك في بعض الأحيان
لكن الله يبيحك ويسامحك
وعلى فكرة وانا اخوك انا مااعرفك
لأجل يكون بيني وبينك شي
والشهود مايحتاج شهود
تكفيك شهادتي
وبالنسبة للأشراف فهو تكليف ماهو تشريف
وماني جديد عليه وانا اخوك
استمر بالكتابة
المستقبل قدامك ومازلت في بداية الطريق يالغالي
تحيتي لك