&&&& ما فيه دبـــــــــرة &&&&
بعد غياب أستميحكم عذرا عليه أعود لكم بهذه المتواضعة
وأي تشابه بين الأسماء لا يعني أن صاحبها واحد .....وأعني الأخت الشاعرة مـــلاك
&&ما فيه دبرة&&
اللي يمنيني بباكر ولا ألقاه &&& عجزت أدور بين الأيام بكرة
مو بالذي من قبل روحي تمناه &&& ولا هو الذي جاني على طيب ذكره
رسمت أحلامٍ على شاطي أرضاه &&& وضاعت حلومي بين مده وجزره
ما قلت شعري فيه والمقصد أجفاه &&& أنا ان بغيت أجفى فلاني بمكره
ما أجامل إحساسي لو القلب عناه &&& فرقى وليف ٍ ما عرف قط قدره
مصير قلبٍ هام به يوم يسلاه &&& ويقدره ربي على طول هجره
حاولت أداري دمعتي بالمناغاة &&& حاولت وأثر الجرح مافيه دبره
وهبت له روحٍ وقلب ٍ تفداه &&& قبلت فيه العسر من شان يسره
حتى الخطا يخطي وأجامله وأرفاه &&& وغيره لو أخطى ما قبلنا بعذره
إن كان حظي منه باكر ولا ألقاه &&& ما أظن من مثلي على الهجر يشره
مـــــــــــــلاك
