الى المبدع منصور الحربي...بعد تحيتي..اليك ردي
[align=center]المبدع المبدع منصور الحربي شاعر عذب علم
ليس اطراء
او مجاملة
او استجداء
ولكن منصور يستاهل
اسعدني بان خصني براعته الجديدة وقال فيها:[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="double,4,blue" type=1 line=0 align=center use=ex num="0,black"]
اليوم بين الصبر ويدين الاوهام=
وأحزان أشتتها .. وتجمع دروبي !!
يمر يومي في حساباتي اعوام=
كني أحسَب من عذابي ذنوبي !!
والليل غير الليل .. والجرح لاقام=
( من الوناسة ) قمت ( أنفض جيوبي) !!
ياكثر مايرسم على القلب الالام=
وياكثر مايفرض بوجهي شحوبي !!
ماعاد خلاني سوى جلد وعظام=
إحترت (( مدري كيف شالت لثوبي )) !!
كني انا والجرح أعدااااء وخصام=
لاصار يربط في ( نجاحه ) ( رسوبي ) !!
واللي خذاه الوقت من كف الاحلام=
حزني على فرقاه . . ( أجمل عيوبي ) !!
لامر طيفه قلت : ( ياحلم الايتام=
ضلوع صدري من فراقك تذوبي ) !!
قمت أتجمل والعبارات ( هندام )=
وأضمها طيوفه .. وأنمق أسلوبي !!
لكن ذنوبه بالزمن ( قطع الارحام )=
وليته عن ذنوب التجافي يتوبي !!
الليا تكلم قلت ماغنت اريام=
وفرق السماء والارض عن ( لبس روبي ) !!
ووجهت قافي يم من يملك إلمام=
معرب الجدين .. من كل صوبي !!
من لابة ٍ تاريخها مثل الاعلام=
فوق الجبال الشامخات محسوبي !!
له موقف ٍ مايوقفه كل همام=
ولاهو ( مجاملني ) ولاهو ( كذوبي ) !!
يازبن جيتك والامل فيك قدام=
إلوين أوجه يالسنافي هبوبي !!
انساه وانسى طاري الحب مادام=
أشوف ناوي في رحيله غروبي !!
وإلا استمر عاشق من الوجد منظام=
والعشق من بين الحنايا يجوبي !!
وإسلم سلام العز في شرع الاسلام=
واقبل تحية من ( حفيد الحروبي) [/poem]
[align=center][B]نسج بليغ ورجل في الشعر ضليع
جاريته حسب الاستطاعه
ولم اقدر ان اجد لنفسي عذرا او مناعه
ولان الشعر له بضاعه
اتى الرد مني معبرا بعض الشيء
عسى ان يروق لمن قرأ..
ولكم مني الحب والوئام..
واليكم نبض الالهام[/B]:[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="double,4,seagreen" type=1 line=0 align=center use=ex num="0,black"]
يامرحبا ترحيبة الخاص والعام=
مية هلا مليون رجل مهيوبي
وكثر الاماني.. والمسا.. عد الانسام=
وعد النجوم..وعد طفل يحوبي
عد الفلك..والفلك..واعداد من صام=
وعد الطيوف..وكثر ريح الطيوبي
ياطيب طابت لياليك بوئام =
ياعل ماياتيك هم و خطوبي
منصور يوم انك تجاوزت الالهام=
وسندت لي ياكيف ابلقى هروبي!
شكيت من جرح الهوى والهوى خام=
ونقضَت بي جرحٍ بقابه ندوبي
جرحٍ من اسباب الهوى لي مريام=
يزود لاهبهب نسيم الجنوبي
اغيب واصحى كنها رفقة اتوام=
ومن سبته كني جروحي مشوبي
يعود كنه من على شاشة افلام=
وكني عليلٍ شال سيجار كوبي
وان كان تبي الراي يانسل ضرغام=
حدد مكانه قلي فاي لوبي؟؟!
او كان مجنب..او هو ابعد من الشام=
والا بعد من ساكنين الخبوبي
فانا حزامك ومتنفَذ للاكمام=
جاهز معي مفتاح عشرة جيوبي
فيها اواليدٍ بني عم وحشام=
وصملاتهم تفرج كبير الكروبي
مافيهم الجاهل ولافيه نمام=
عتبان مافيهم عبيد الحبوبي
عطنا تواصيفه وطير السعد حام=
بيجي رضا والا بعد ومغضوبي
يوم انت تنخاني فانا اغيب مانلام=
اشوش لامن الرجال انتخوبي
ابشر بعلم يبهج الصدر باختام=
فعل مثبت ماهو بسرد نوبي
لالاتظن ان على العلم بانام=
ياخوك مشكلتي بطبعي جنوبي
والحب كل فيه يالشهم منظام=
وانا ترى دوبي ودوبي ودوبي
اقطف زهر مالاق والجو باعتام=
واضرب بمخلابك كبير الخروبي
يازين مسرى الليل والسر بكتام=
ومقابل الغرو المليح اللعوبي
هذا جوابي جاك يانسل الاكرام=
مترفع مافيه سقط ولغوبي
واقبل تحيات المودة والاكرام =
من زبن جاتك وانت رجل مهيوبي[/poem]
