إليــا نخينــا ما جبنا فزعنــا
تحية لجميع شعراء غرابيل
قصيدة قديمه الى حد ما ، ولكن سأطرحها بين أيدي شعراء غرابيل لأن رأيهم ونقدهم يهمني
[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="none,4,gray" type=2 line=1 align=center use=ex num="0,black"]
بسم الإله اللـي لحمـده سجدنـا=الخالق المبـدع جزيـل العطايـا
إلهنـا ربــي علـيـك إتكلـنـا=عالـم جميـع أسرارنـا والخفايـا
تحفـظ لنـا دار غـلاهـا سكـنـا=اللي لهـا قـدر بوسـط الحنايـا
دار من أيام الطفولـة ربتنـا=حتـى غدينـا فـي ذراهـا سوايـا
وتحفظ لنا فهد العروبة فهدنـا=اللـي حبـاه الله عـرف ودرايـا
رجل السلام اللي لقولـه سمعنـا=حل الجسام وحـل صعـب القضايـا
وتسلم يا أبومتعب حامي وطنـا=من الحسود ومن خبيـث النوايـا
عبد الله اللـي كلمتـه ماتثنـا=حاز البطولة في كريـم السجايـا
وسلطان خيره عم الأقصى والأدنـا=مدة يده تشمـل جميـع الرعايـا
في ساحة الميـدان ماقـد خذلنـا=يروي الطيور الجارحات الظمايا
حكامنا هـم مجدنـا هـم فخرنـا=وفي حبهم نكتـب جميـع الوصايـا
ورجال الأمن يا هم ذخرنا وحنا=إليـا دعينـا مانهـاب المنايـا
إليـا نخينـا ماجبنـا فزعـنـا=فزعة عدل ما هيب فزعة دعايـا
واليا انتصرنا ماظلمناعدلنـا=عدل يسامـح عـن كبيـر الخطايـا
واليا جهل جاهل علينا حلمنـا=وإن منتها جته الجهالة سرايـا
نحكم بشرع إلهنـا اللـي خلقنـا=اللي حفظنا مـن جميـع البلايـا
وصـلاة ربـي عـد نــاس وجـنـا=على النبي اللي قبـل بالهدايـا [/poem]
[align=center]وسلامتكم
راشد الهويمل
(عز الخوي )[/align]
