ا[align=center]خواني واخواتي بمنتدى غرابيل الراقي
اليكم قصيدتي الثانيه وهي تحكي قصتي مع الخائنه
ارجو ان ترتقي لذائقتكم[/align]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قابلتها في زحمة الناس جافل=خايف واحس الناس ترمي بنظرات
حبيتها وانا صغير(ن)وجاهل=مالي بدنيا الحب سكه وخبرات
كلمه بكلمه لين كثر المواصل=واشوفها في ساعتي خمس مرات
مارتاح لين امسها بالانامل=واتبع بلمستها على الخدقبلات
تطور الموضوع والحب قاتل=واخذتها للبيت مدري كذا جات
صرت اصطحبها في جميع المحافل=واحس مالي غيرها بالمناجات
الناس تنصحني وانا كنت غافل=من يمهم قفلت كل المحطات
واللي نصحني قلت فاجر وعاطل=ماجرب الدنيا وطعم الملذات
حبي لها حبن من القلب كامل=مايخلفه بالوقت صدمه وهزات
لكن ماحصلت غير البهاذل=واتعبت نفسي لين رحت المصحات
رحت الطبيب وقال عندك مشاكل=لازم نصورلك على الصدر اشاعات
سويت اشعه وانتهى الفحص شامل=جات النتايج كامله بالملفات
قال الطبيب اشوف عدة عوامل=خلتك حي وحاسبينك بالاموات
يابني ترا حبك لها حب فاشل=حيوصلك للمعمعه والمتاهات
واقسمت يالمفعول لصير فاعل=وادعسك بالرجلين واذبحك بسكات
انا احسبني يوم اطاوعك عاقل=في حضرتك ياما تنكرت للذات
ياخاينه في عرفك الحب سافل=والطهر في عرفك سبب للقذارات
انتم عرفتوها والا نواصل=في وصفها ام البلا والخيانات
اهي السجاره سمها سم قاتل=واللي بداخلهامن السم جرعات
كم روح تزهقها بليا مقابل=وكم عكرت من بعد صفو المسرات
ابسط رساله قلتها بالرسايل=وقف وحسب كم تدمر من ابكات
ارم البكت باقرب مجمع زبايل=ثم انس لا راحت سجاره ولا جات[/poem]
