كل الرجال الوافيه في غرابيل!!مصافحه اولى
[align=center]اخواني بمنتدى غرابيل
السلام عليكم ورحمة الله وبركاته
اولى قصائدي بهذا المنتدى ارجوا
ان ترتقي لذوقكم الرفيع[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/35.gif" border="none,4,gray" type=1 line=0 align=center use=ex num="0,black"]
جيت اسال اهل الحي وين الرياجيل=اللي لهم بالقلب حشمه ومقدار
اللي ليا جينا لقينا الفناجيل=ودلال مرصوصه على صالي النار
سعد العتيبي والرجال الحلاحيل=مثل احمد السكران ولا ابن منشار
دورتهم من حد دجله الى النيل=وعلى دروب القوم واجهت الاخطار
في طرقتي لقيت ناسن تهاويل=قالولي اقعد ليه تايه بالاقطار
ليا بغيت الهيل نسقيك من هيل= وليا بغيت العلم نعطيك الاخبار
قلت اسكتو والناس تلقى معاميل=البن لوجبتوه يبغاله بهار
حمض الرجال علومها يالمهابيل=ربعي وانا اعرفهم عوارف وشعار
وانتم على ماقيل ناس مقابيل=على النميمه والمخادع لكم كار
تركتهم واقمت في وادي السيل=وانشد مع النشادوادير الافكار
لين امس جاني واحدن حذق بلحيل=قال الخبر عندي واعلمك وش صار
كل الرجال الوافيه في غرابيل=مايقبلون الا شجاعن وصقار
من فرحتي ذبحت خمسن من الحيل=والعقل من هول الخبر ياهلي طار
واصبحت اجمع مابقي من محاصيل=وامسيت ضيف بداركم ياهل الدار
وصلاة ربي عد نو الهماليل=على النبي الشافع الناصح البار[/poem]
