الشاص
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ياللي تمنى جو لندن وباريس=
عزالله ان مناي بارض الجزيرة
قلبي مصيبه من هوى الزين توجيس=
وهموم قلبي في زمانه كثيرة
انا ذبحني يا عرب ما ذبح قيس=
حب يلوع القلب مثل السعيرة
حب يشوق القلب شوق المراويس=
للي يحبون الطرب مع سميرة
حب صحيح ولا حصل فيه تلبيس=
يوم ان بعض الناس حبه يثيره
حب الجميل اللي عيونه نواعيس=
ما به حسين عذب القلب غيره
حبه لجا بين الضلوع المقاويس=
والحب ماله بعض الاحيان سيره
وبعض المحبة تستثير الهواجيس=
وتعذب الرجال باقصى ضميره
وانا حصلي من غرامي وساويس=
لاجل ان مالي في وليفي بصيره
لا صرت عاشق والمخابي مفاليس=
جنب طريق الحب مافيه خيره
وانا غرامي يالرجال السناعيس=
شاص جديد يقطع البيد سيره
الشاص موتر مبعدين المراميس=
اللي يسجونه على كل ديرة
اهل الحرار الصاطية والقرانيس=
ومكملينه بالعزب والذخيرة
ما همهم درب الوعر والتغاريس=
ياطونبه كل الدروب العسيرة
لا قام سواقه يزيد التداويس=
يزتاد كبره كلما اوحى صفيره
ما كنه الا شيخ قوم معاميس=
شرابة الدم الحمر شرب بيرة
شيخ يردد له على الخيل فريس=
عجل علاهم بالرماح الشطيرة
من قو باسه طوع الناس والعيس=
طمعات نفسه فالليالي كبيرة
ويا لايمي فالشاص لومتك بابليس=
من لامني في لازمي ما استشيره
لا صار جاهل ما كسبله نواميس=
اخير له كف اليدين القصيرة
ومن لا يميز صايب الراي ويقيس=
جعله فدى لاهل الوجيه السفيرة
الشاص عز ومن رقى العز ما ديس=
قالوه قبلي قايدين المسيرة
ياجعل مسرى الشاص ماله عواكيس=
يسلم مسيره فالدروب الخطيرة
وجعل الحظوظ اللي منول مناحيس=
يضفي عليهن الفرج والستيرة
ويشوف نون العين لمع القراطيس=
فوق اشقر تزهى علامة خبيره[/poem]رشيد العتيبي
