((( الليل ساتر بس انا كنت كاشفك ....... ))
[poem=font="Simplified Arabic,5,darkblue,bold,normal" bkcolor="white" bkimage="" border="inset,7,darkblue" type=2 line=0 align=center use=ex num="0,black"]
ياجاهل بعرفي انا جيت اعرّفك=جيتك وانا واثق بقولي ومسئول
جيتك بحر تكسرتبه مجادفك=جيتك صحاري تقهر انهار وسيول
جيتك شجر ماكسرتني عواصفك=(جيتك شموخٍ ماشعربه ابا الهول)
الليل ساتر بس انا كنت كاشفك=واللي كشفك احساس صادق على طول
ساعه وانا اكلم على خط هاتفك!!=ازهم عليك ويطلع الخط مشغول!؟
طال انتظاري وانت طالت سوالفك=ياطول ليلك لاغدى الهرج معسول
الامر واضح والشواهد مواقفك=لاتبرر الموقف ولاتصير مذهول
ماجيت اعاتب نبض قلبك واحلفّك=ولاجيت ادور شرح منك ولاحلول
القلب قلبك والعواطف عواطفك=والحب حبك والمحاني لها قفول
حبيت اوضح مابدر من تصرّفك=وحبيت اوضح شي غامض ومجهول
لاتتصل فيني ولاني مهاتفك=وان اتصلت بيطلع الخط مقفول
محبكم : عبدالله الرقاص[/poem]
