يا وجودي وجد عود حريض ومعـدوم
السلام عليكم
اخواني اخواتي اتمناان تحوز ولو على القليل القليل من استحسانكم
[poem=font="Simplified Arabic,7,darkblue,bold,italic" bkcolor="sienna" bkimage="backgrounds/23.gif" border="solid,4,darkblue" type=2 line=1 align=center use=sp num="0,black"]
يا وجودي وجد عود حريض ومعـدوم = ان وجد من يطعمه او قضى يومه صيام
ما معاه إلا عجـوزه ورعينـن يتـوم = مات عنهم والديهم قبـل حـل الفطـام
ساكنن له وسط شعبن فواريسه تحـوم = من عواها تالي الليل مـا يقـدر ينـام
يوم لد ولا عجوزه تنـادي قـوم قـوم =الذيابه شالت اعيالنـا جـوف الظـلام
قال تكفي ساعديني على الذيب الغشـوم = البصر ولا وحيلي عجز يقـوا المقـام
راحت تنـادي بليـلٍ تقفتـه السهـوم = ويوم بان الصبح جاته تحشرج بالكـلام
قال علمك قالت العلم ما يبغـى علـوم = ما بقا من من رجيناه يا كـود العظــام
يا حسافه قالته قال يـا بنـت القـروم = لاتشبي قلب عود زمانـه عنـه شـام
راح وقت قد ملكنا الفيافـي والحـزوم = لا نزلنا وسط شعبٍ تضايق بالخيـام
اشهقت من بعد ما قال شهقات امكضوم = ثم ماتت وقبروها وسـط قبـر اليتـام
قال باعلا الصوت ياليل ياليل الهمـوم = بين ليل ويـوم حالـي تولتـه السهـام
الزمن لو يفرحك يوم مـا يفرحـك دوم =عيشـةٍ ذي تاليتهـا عساهـا للـعـدام
لا تغرك لو برق برقهـا بيـن الغيـوم = او لمحت نصوبها راكزه وسط الغمـام
بد من يـومٍ عجاجـه تقفـاه السمـوم = لا ادبرت ما كنها يوم عاشت في سـلام [/poem]
الجبيري
