[align=center]السلام عليكم ورحمة الله وبركاته
هذه القصيده الوطنيه سبق وان شاركت بها في مهرجان الجنادريه للتراث والثقافه
واتمنى ان تنال رضاكم
تقول القصيده:[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="solid,6,seagreen" type=0 line=0 align=center use=ex num="0,black"]
اول الاقـوال يالله يالـفـرد الصـمـد =خير مبـدا مـردف بالتحيـه والسـلام
ياسلام الله سـلام علـى السامـع يعـد =عد ماتشـدو البلابـل ومانـاح الحمـام
ردة تهد الـروس الرجـال مـن الولـد =ايتشـرف باللقـا ويتقـدم بحـتـرام
يهل دار ينتهـض عـز والقائـد فهـد =قايد يوجـد نهـار المواقيـف الجسـام
مـده الله بالفراسـه علـى اب وجــد =مايقـول الا ويثبـت جوابـه بالمـقـام
سائل التاريخ واحصو المواقـف بالعـدد =نهج من نهجه على الدين والرب اعتصام
وقفة الصامل وعقل الشطيـر المجتهـد =وقفـة ماتصـدر الا بحكمـه وحتـكـام
تسعد الصاحب وتعمي نواظر من حقـد= ويتجلاها السفـر جالـي عتـم الظـلام
ما تتـم الا لرجـل عطـى جهـد وجـد =الخطا موزونة السيـر والمنهـاج امـام
رجل عاصيت المواقف لهـا كفـو وقـد =رغم انـوف الحواسيـد بايعـة الذمـام
منطق يذكر مواقيـف مـن واقـع اكـد =باسطر من نور يبصـم عليهـا بالبهـام
ايتنصبهـا بـعـزة مـقـام ويعتـمـد =مايصرح به لهل سلـم والاهـل خصـام
والادله فـي ثنايـا المقـال ابهـا افـد =قد ماتحمل قواف القصيـد مـن الكـلام
هذه هـي داري وهـذاه قايدنـا فـهـد =ياحواسيـد اسمعـي ياعواذيـل تـهـام
من جعل تطبيق الاسـلام شانـه للابـد =الحقايـق واضحـه مايغطيهـا عـسـام
المحاكـم والـوزارات تعـلـن لابـعـد =قطع دابر عنصر السو عسـر الاستقـام
فـي قوانيـن تحـده وفـي نظـم تحـد =كل من تهواه نفسه على فعـل الحـرام
توقف الظالم حدوده ويرجـع لـم يجـد =غير يامظلوم تعطى حقوقـك مـا تظـام
ومن له الدستور ما انزل الفـرد الاحـد =ومن حكم بما يحـث التراحـم والوئـام
ومن تحت حكمه يسود الامن بيـت بلـد =واي ديـر نايـم الليـل يهنـاه المنـام
الرخا والدين والامن والعيـش الرغـد =في جميع اقطار ديرتك ياقصـر السـلام
ومن تشرف خدمة المسجدينـي وستعـد =بالفعول اللي على غير ابو فيصل عظـام
عاش راس جاد بالفعل مـوف بالوعـد =دام عهـدك ياابـا فيصـل بالـعـز دام
عهد زاهر يدفعه ود قلـب وجـود يـد =اعلنت فيه التطور مـازاد اعـن التمـام
قبل شوف العين لاداعي اسأل وانتشـد =نهضة فيهـا مسيـر التقـدم بنتـظـام
من كرم رب عطـا عـد ياعـداد عـد =للفعـول المستقيمـه وجـزلات الكـرام
دون ما فرصه لمنكـر ولا راعـي نقـد =حيث ذكر الصدق يلقاء به الجاحد لجـام
ومن على عهده حفظ بالعهود وبالعهـد =ومن وقف في نشر الاسلام ميقاف الامام
المصاحف مرسله غيرها الكتـب الجـدد =والمساجـد بنيهـا مستمـر فــي دوام
ومن لشان الامتيني وقـف وقفـة اسـد =تذكر اسمه كل ماهل شهـر وجـد عـام
شاهده يمنـا صخيـه ونجـدة مضطهـد =بين تشريد اومجاعـه واهـات السقـام
الاغاثـه والاعانـات شاهدهـا شـهـد =من يدين مومنه بسم من ينـش الغمـام
والعلاج العاصي الدا وصابـات الجسـد =بجهزة طب حديثـه علـى ارقـا نظـام
ومن تدور وقفته كل مـا شـان استجـد =مثل ما يارد على العـد عطيـش حيـام
ينهل الصافي شرابه ويرواى مـن ورد =مثل موج البحر غطى الروابـي والعـدام
من سدادت راي ياقف جحـود وستـرد =عن تلفظ لا لو انه خفيـف النطـق لام
كل ما تاخذ ظروف الزمـن جـزر ومـد =يصرف الوصفه طبيب سريـع الافتهـام
للحرايب ليـث غـاب ولصاحـب سنـد =درع جنب وسيف يكسر صليبات العظام
كل ذا من فضل منشي المطر قطر وبـرد =نحمده على ما منـه علينـا مـن نعـام
ثم فضل مشيد السـور سيسـان وعمـد =بالتزامـه عـروة الله شديـد الانتقـام
ذاك ابو فيصل تمثل لهـا وبهـا صعـد =مركز ما ياصله غيـر شخصيـة همـام
ايتحلاهـا ريــاده وطـبـع منـفـرد =رافع راسه ومن عالـي الاسـوام سـام
ياجبل نجران تلبس ويـا سحـرى نجـد =في طوال العام لبس السعاده بيض خـام
اشرقت شمس الجزيره وصاحبها السعـد =وثمرت ريضانها من رياحيـن وخـزام
تحت قانون من الديـن نهجـه مستمـد =مقتدين ومهتديـن بهـدى سيـد الانـام
السياسي يرشد الراي والجنـدي صمـد =رجل في قوة عزيمه وشخصيـة شهـام
ما تزعزعنـا بلابيـل وافكـار الحسـد =في مواقفنـا واكـرر سلامـي بالختـام [/poem]
[align=center]عـواض بريكان الشلوي[/align]