"أهـٍ يا يمـه" نشيد رائع من برنامج كشتات
السلام عليكم ورحمة الله وبركاته
نشيد رائع بل أكثر من رائع
صوت جميييييل وإحسااس عااالي جدا جدا من سعد الطلحة في برنامج كشتات (قناة المجد)
النشيدة في أمة الله يرحمها ورح ينزلها في إصدار له
http://alreemaasah.the-plucky.com/ka...w2006/yoma.mp3
الكلمات
:
القلب يحزن والمدامع غزيرة
في جوف نارٍ من لهبها تباكيت
والدار ظلما كانت أمي تنيره
يا يمه وينتس من دونتس خلا البيت
والدار ظلما كانت أمي تنيره
يا يمه وينتس من دونتس خلا البيت
قلبي تفطر على الفرقا المريرة
أمنت بالله وبأقداره ترضيت
الموت حق(ن) وكلن له مصيره
وموت النبي قبلتس يايمه تعزيت
هذا جلالتس وريحتس في عبيرة
اليوم أشمة وليا شفتة تهنيت
صوتس يايمة يا محلا اثيرة
حنانتس يمة يخليني تدفيت
يايمه من هو أجي لة واستشيرة
يعدلني لي شفت الصواب وتنحيت
يايمة كلن يناظرني بحيره
من يوم رحتي وانا اللي ما تواسيت
يا كم تعلم من معاني(ن) عزيره
يا منهل التعليم منتس تربيت
كم قصة ٍ قلت وللماضي مسيرة
ولاجيت عندتس سواليفتس تسليت
أأأأهٍ يايمه النظرات الأخيرة
مليت كفي تراب ثم حتيت
أبشري يمه بدعواتٍ كثيرة
كل ما تذكرتس وللرحمن صليت
