اليا سمعت الفراق وذكـرت أزمانـه
[poem=font="Simplified Arabic,6,black,bold,normal" bkcolor="transparent" bkimage="" border="double,4,gray" type=0 line=1 align=center use=ex num="0,black"]
فعلآ قصيدة شرف وأجمل من الدانـه=وفي بنت أميرآ وصح لسان شاعرها
من شاعرآ تطرد الهاجـوس قيفانـه=والساحه اللي يجي شعـره ينورهـا
يا أفكار شعري تعالي لي على شانـه=أنا علوم الشـرف والطيـب أقدرهـا
لو يختلف رمي نيشانـي ونيشانـه=الناس ماتعبـر الا عـن خواطرهـا
النفس مـن جايـر الأيـام زهقانـه=وبعض المعاني هواجيسـي تثورهـا
البارحه مارقـدت العيـن سهرانـه=تقول بالشـب مـذروره محاجرهـا
البيت ماينبنـي مـن دون عمدانـه=وأنا علوم الوفـا والطيـب أدورهـا
عزي لمن باربـه وقتـه وصدقانـه=وكثرت أكسور الزمن وأزرا يجبرهـا
اليا سمعت الفراق وذكـرت أزمانـه=هلت عيوني مـن الفرقـا عبايرهـا
لوأن نفسي ماهـي بالحيـل ندمانـه=مير العرب مايفوت الشيـن ناظرهـا
وياكثر ناسآ بهـذا الوقـت بلشانـه=وتخفي بلاو الزمن بقصى ضمايرهـا
وناسآ لو تسوي المعروف غلطانـه=هاذي علومآ أنـا شايـف وخابرهـا
سبحان ربآ فرق بالخلـق سبحانـه=ناسآ تشـاور وناسـآ ماتشاورهـا
أحدآ صديقآ وكنك من حـدا أخوانـه=وأحدآ يفكر حياتـك كيـف يدمرهـا
ونوب الرجل تطلع ألاقراب عدوانـه=والله سبحانـه المعـبـود ذاكـرهـا
وناسآ بنقـل النمايـم كيـف فنانـه=وأهل النمايم عسى ربـي يدهورهـا
الرجل صدقه ونياتـه مـن أيمانـه=وألا السوالف يبـا يقـدر يصورهـا
والرجل لوهو خفا للنـاس عنوانـه=تكشف علومه لونـه كـان ساترهـا
ولابد يات الخبر من صوب عربانـه=تاتي علـوم الصحيـح ولا يدبرهـا
والتجربه للرجـل عرفـه وبرهانـه=وألا البشر تنخدع نـوب بمظاهرهـا
والرجل فعله وعقل الرجـل ميزانـه=والناس تحكم على نظرت بصايرهـا
والسر لاما أغلـق الانسـان بيبانـه=قامت علومه أهـل النمـه تمررهـا
ناسآ لها بالزمـان وبالعمـر خانـه=وناسآ تجيب الهمـوم ولا تقاصرهـا
أحدآ كما الغيـث لقرابـه وجيرانـه=وأحـدآ خواطـر معازيبـه يكدرهـا
وناسآ لو أتظل طول الوقت زعلانـه=محدآ نشد عن زعلها مـع تظررهـا
وأدري وأعرف الزمن وأشوف عميانه=وأتبع هوى ناس والا ناس أسيرهـا
والدرب ينظربه المخلـوق بأعيانـه=ويمش الدروب الذي نفسه تخيرهـا
ويختار في سيرتـه ربعـه وخلانـه=نفسه ونفسه علـى كيفـه يسيرهـا
ومن دور الطيب جعل الرب ماهانـه=الله يجيره مـن الدنيـا ومخاطرهـا
(خليف الوهيداني) [/poem]
