ماطمعت الاّ بنقاك ومرجلتك وطهرك .. القناعه ماليَه عيني وترس جيوبي
للتواصل مع الأخوه في غرابيل
عسى أن تشفع للغياب
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
منت باللي أسفهك وأستصغرك وآحقرك = أنت لك وقتي ومضموني وحلو اسلوبي
في النّهار ألْحَظْك وأرجع في المسا أنتظرك = خيط شمس الصّبح وألوان الشّفق في غروبي
جعل كل اللي مهب مثلك فداك ونذرك = يومك مشبّب وتصفطلي وتقضي نوبي
التفت يمي وعطني كل مافي صدرك = كل مافي خاطرك ياصاحبي من صوبي
لوتقول اللي تقوله فيني أباعذرك = لوّ تسهب في عذاريبي وشرح عيوبي
أما انك تروح هاجرني ويبطي هجرك =ماعرف وش ني مسويبك وويش ذنوبي
تحتقر قدري ويصغر في عيوني قدرك =وانتعادا مثل ( الأمريكي) ومثل (الكوبي)
وأنت تدري انك أغلى من عرفت وتدرك = ان رضاك وراحتك هي شفي ومطلوبي
من غلاك آبر شيبانك وأقدّر بزرك =ماانفعل وأزعل ولوّ تحط دوبك دوبي
ماعليك الاّ تشاورلي وأنا تحت أمرك = فدوتك كلّي ومن راسي الى عرقوبي
ياخويٍ ماتفوتك الأوّله من صغرك = لويجي من دونها شلف وقنا وحروبي
يشهد الله ماادوّر غير طالة عمرك = المصالح دربها مايلتقي ودروبي
ماطمعت الاّ بنقاك ومرجلتك وطهرك = القناعه ماليَه عيني وترس جيوبي
لا دعا الداعي ذلولي عند بابك تبرك = سترك ستاري وثوبك في النوايب ثوبي
دون شيٍ عازمٍ توصَلْه لاتستدرك = أقدم أقدم غالب ولا انت بْمعي مغلوبي
أنت بس انطق وعطني كل مافي صدرك = راحتك و رضاك غاية شفّي ومطلوبي [/poem]
.
وسلامتكم
