المشاركة الأصلية كتبت بواسطة راشدالرياحي
مع تحياتي للجميع ... ،
[poem=font="Simplified Arabic,5,black,normal,normal" bkcolor="transparent" bkimage="backgrounds/8.gif" border="double,4,gray" type=0 line=0 align=center use=ex num="0,black"]
آمال لا تستغربي كل الاحزان = في وجه من حطم زمانه حياته
غريب غربة روح واحباب واوطان = ترفض جميع اللي حلم به جهاته
رغت التفاءل والعزيمه والايمان = صارن بنات اغلى الاماني خواته
آمال لو تدرين عن بعض ماكان = طرفك على حالي تهل عبراته
آمال انا مهما يورى لك انسان = يعيش حزنه خلف حايط سكاته
حلمه شقى عمراً على كف شيطان = واغلى الطموح اللي من العام فاته
ومستقبله كذبة مشعوذ ومجان = وعّرافته تعرف وتنظر وفاته
وحظه لو انه نار والشوف دخان = اعمى عيونه ليّن تحرق عباته
والناس في عينه بني عم واخوان = واطيبهم اللي شاف منه الشماته
آمال لايزعجك لاصرت غرقان = في بحر صمت السالفه وازفراته
شصاً يدور في ثراى وجه حرمان = عن داعي اسباب التعاسة بذاته
واذا تظاهر بالفرح بعض الاحيان = ياكبر همه لو تبسم شفاته
الامعك كله تجاهل ونسيان = عينك وطن كله وكلك حياته[/poem]
راشـد الرياااحي
