ياعالم ابغى علاج لما انا فيه والله تعبانة!!!!ارجو الدخول للاهمية

هذي قصتي التي اعاني منها كثيرا وتكرر مع مرور الايام
باختصار انا مااتوب من المواقف اللي تحصل معاي يعني مااتعظ ابدا


قصة دفا المشاعر اثارت شجوني وجعلتني اقف معها كثيرا

تخيلوا والله العظيم انا انسنة محبوبة من الجميع لكن سبحان الله لازم اوضع في امور تسبب لي المشاكل مع الاخرين وكثير من المرات مااحسن التصرف رغم تميزي بالعقل لكن والله يشهد على مااقول قلبي ابيض واحب الخير ومساعدة الغير..
البداية
قصة حصلت مع احدى الزميلات جوالها باسم اخوها ودائما يفصلوه عشان مايسدد وهي مطلقة وماعندها احد يساعدها وعلاقتها باهلها مو مرة المهم جيت بحسن نية قلت لها اخواني في الهاتف ومن عيوني فرحت وشكرتني اليوم الثاني اخويا طلع لها جوال باسمها جات المدرسة تشكرني احنا معلمات مع بعض قلت لاشكر على واجب بعدها بكم يوم قالت انا اتصلت على اخوك شكرته؟؟؟؟

والله العظيم مت من القهر يعني مافي داعي لهذي الحركات خاصة اخويا متزوج ومو حق هذي الحركات؟؟؟
بعدها شافت اني زعلت جيت البيت الا اخويا يسالني كيف حال فلانة ؟؟؟انقهرت عليه قلت طيبة ليه؟؟
مابين لي شي رحت المدرسة قالت كيف حال فلان؟؟؟قلت طيب ويسلم عليك؟؟؟ظواخذتها حجة وفيوم اسود بعيد عن عيون السامعين جات تتمخطر عندي وتقول هلا ابغى اقولك كلام بس ارجوك ماتزعلي مني؟؟؟
قلت خير قالت انا اكلم اخوك في الجوال والله صعقت انجنيت انا اساعدها عشان تخرب بيت اخويا ليه ان شاء الله؟؟؟
قالت وهو امني اني مااعلمك بس عشان الصداقة اللي بيننا طبعا انا لي معها وقفات كثيرة لدرجة تشوفني اعز من اختها؟؟؟
المهم زعلت واتضايقت بعدها قالت ايش مزعلك الرجال يبغاني وبيزوجني قلت لها كدااااااااااااااااب اخويا واعرفه والله من جنبها ويخاف من مرته ومستحيل يسويها؟؟؟ماصدقت قلت حتى اهلي ماراح يوافقوا كمان هي مطلقة مرتين وعندها ستة اطفال؟؟بعدين اتضايقت مني وزعلت تقول اني جرحت كرامتها ومن الكلام الفاضي حقها؟؟هذا الموضوع من العام وانتهى على زعل بيننا اسلم عليها تعطيني ظهرها وكنت اتحمل الى ان جاء يوم في رمضان كلمني اخويا وفتح قلبه قال والله ياهلا اني احتقرتها لانها طلبت اني اشوفها في المطار عشان كانت مسافرة قالت تعال وموعد السفر كدا وكدا؟؟؟طنشها بعدين وسارت تلاحقه برسائل انا لما قال كدا مااتحملت وعلى طول ماصدقت خبر لان قلت الشغلة خربانة خربانة ارسلت لها رسالة قلت فيها :
اخر شي كنت اتوقعه توصل فيك الجرأةانك تواعدي اخويا في المطار اتقي الله هو ربنا هداه يعبال يهديك انت ان شاء الله وتتوالى الرسائل بيننا للصبح والناس ليلة 27وسارت ترسل لاخويا تسب وتلعن وتتهدد وتتوعد؟؟؟؟
بعدها حاولت اني اقولها المسامح كريم واني اعتذر عن رسائلي زادت واتفرعنت كثير وهددت انها تفتح الموضوع في المدرسةوجاء العيد وانا كنت متايقة من دا الموضوع وبالفعل فتحته امام الجميع رغم انه يسيء لسمعتها لكنها حولت الموضوع لصالحها ببكاء ودموع واني انا سعيت لتقريبها من اخويا الين حبته وحبها وجيت فرقت بينهم طبعا اغلب اللي كانوا موجودين اتعاطفوا معها وقالوا اني انا اللي غلطانة في الموضوع
وصل الموضوع للادارة وكتبوا تعهد علينا احنا الاثنين بعدها سارت تمر من جنبي وتقول مكان مقزز رغم انها كانت تموت في شي اسمه هلا والله انها كانت تحب الارض اللي امشي عليها لكن سبحان مغير الاحوال لازلت اعاني من دا الموضوع تتأفف وهي تمر من جنبي كلمت الوكيلة المديرة يقولوا الصبر حاولت وماقدرت اموت الف مرة ونفسيتي سارت زي الزفت والله اقولها بجد لدرجة انها تبغى تشوه صورتي بين المعلمات واني انقل الكلام بينهم وتحذرهم من التعامل معاي وفعلا بعضهم احس بتغير من ناحيتهم اتعاطفوا معها والله رغم ان الكل عارف انه مجرد وحدة تكلم واحد في الجوةال غلط ومليون غلط بس الدنيا ماشية بالمقلوب والله والله تعبانة كثييييير وابغى حل يريحني ينسيني يخليني اعيش حياتي ماني قادرة كل يوم اشوفها قدامي اتذكر مواقفي معها مساعدتي لها ونكرانها لكل ذلك واموووووت حسرة اني ماسمعت كلام اخواتي كانوا يحذرني من المحبة الزائدة عن حدها لنااس ماتستاهل الان تحاول تغيظزني بتصرفات اطفال والله شي مخجل انه ينكتب عن معلمة وانا احاول اترفع لكن قلبي حساس مشكلتي اقل شي يؤثر فيني ابغى انطلق اعيش صح اريح نفسي بس مو عارفة كيف انا ناجحة بل معلمة متميزة علاقتي بالادارة جدا جدا ممتازة والجميع يحبني بس بعد موقفها احس فيه تخوف من التاعامل معااااي واخاف اناقش المعلمات في هذا الموضوع خوفا اني افقد ثقتي بنفسي وكرامتي

ارجوكم اريد الحل والطريقة اللي تخليني اتجاوز التجربة عزائي ان اخويا طنشها وارتاح من شرها باقي انا كل يوم قدام وجهي ومارتحت لحد الان
وكلي ثقة وامل اني القى الاجابة والبسلم الشافي لجراحي منكم
اختكم المحبة لكم والتي تنتظر علاجكم

size=7]حبيبتي هـــــلا°ˆ~*¤®§(*§*)§®¤*~ˆ°
سأقف كثيرا امام قصتك


ربما لم تكن غريبة لكنها واقعية من خلال بساطتك في العرض ثقي تماما حبيبتي ان الدنيا تجارب ونتعلم من اخطاءنا كثيرا ولاخير فيمن يتعلم من اخطائه
دعي عنك شبح الماضي وتسلحي بالنسيان

ستجدي في رسالتي الخاصة لك مايشفي غليلك فقط اليك الايميل للتواصل ولك كل الحب

د/ عفاف آل الشيخ


مع كل الود[/size]«®°·.¸.•°°·.¸¸.•°°·.¸.•°®»

اختي والله مالك الا تنقلين من المدرسة


وعليك با لثلث الاخير من الليل

واعلمي ان دعوة المظلوم مستجابة

مالك الا تنقلين من المدرسة
مالك الا تنقلين من المدرسة
مالك الا تنقلين من المدرسة

والله مشكله !!!

من جد كل يوم يـتأكد لي أكثر ان التعامل بصدق مع الآخرين والإحسان اليهم ماينفع هذا الأيام
يعني الإنسان لازم يكون ملكع وخبيث عشان يمشي !!!!
لا حول ولاقوة الا بالله


الله يكون بعونك اختي هلا ومثل ماقالو الأخوان افضل حل تنقلي من المدرسه

احلي تحية للجميع انا اري ان تكلمي اخوك وتخبرية ان الموضوع سوف يضر بمستقبلك واكيد سوف ينهي العلاقة وهي مجرد كلام لن تضرك باذن اللة اما راي الاخوان الاعصار والكاسر مع احتارمي لهم فهو هروب وليس علاج

ماذا ارى ايها الاخوة
نقل من المدرسة ولماذا وعلى حساب من؟؟
اذا كانت هذه المدرسة تقول الاخت عنها انها متميزة والادارة جدا رائعة معها فلماذا نختار الهروب كما قال الاخ الكريم


اذن هناك مليون طريقة افضل من الهرب لان المشكلة لن تحل



تحياتي للجميع

[align=center]اختي العزيزه <هلا>
إنتي بنت حساسه وطيوبه.. ..وماتستاهلين اللي صار لك .. ,,
وأنا حاسه بالصدمه اللي انتي عشتيها من المنافقه صاحبتك.. ,,..
بــــــــــس صدقيني
انتي أقــوى من الصدمه .. بكــثير
واللي صــار تجربه من تجارب الحياه
انتي انصدمتي مو علشان تيئسين..!! تتحطمين!! تتأثرين ووتطيحين!!..
لا..
انتي انصدمتي علشان تصحيـــن.. ..وتصحى طيبتك معاك..
انتي واثقه من نفسك!!؟
خلاص عيشي حياتك .. وأرضي ضميرك..
والناس الحثاله مكانهم تحت...
لايهمونك..
وبالنهايه كلن بياخذ حقه..[/align]

((( دنيا غريبه والبشر مثلها أغراب,, ,, لـو هي صفتلك مـــاصفولك بشرها)))

احسن طريقة لحل المشكله هي المواجه وليس الهروب
لان لو نقلت من المدرسه سيتم تاكيد كلام صديقتها السابقه و اهم شي بالمووضع كله ان تكون اختي هلا على يقين انها لم تعمل شي غلط وانها مظلومه بهذ السالفه

واتمنى من تواصلك مع الاخت د. عفاف ان يتم التوصل للحل ان شاء الله ..

تقبلي تحياتي
المستشاره..

آمل أن تكون قد حلت المشكله


ولكن أرفض تغيير المدرسه وبشده

لأن هذا الأسلوب يدل على الضعف والإنهزاميه وربما أكد في نفوس المتخوفين صدق كلامها وأنك ماأنتقلتي إلا هربا من الحقيقه

يجب عليك أن تقفي أمامها بكل عز وشموخ وأن لايكون موقفك هو الدفاع بصمت

بل الهجوم وتوضيح الحقيقه الغائبه

أعانك الله وسدد خطاك

لاحول ولاقوة الا بالله

خيرا تفعل شر تجد

انا اشوف يا اختي هلا انك ترسلين لها احد من زميلاتكم القريبات منكم جدا وتكلمها عن الموضوع وتفهمها غلطها وان هي الغلطانه

وانك ياهلا مستعده ترضين عليها وخلاص اذا رضيتوا انتي وياها خلي علاقتك معها رسمية .

مدري شكلها فكرة بايخة.

اخوك ساعي البريد..

..

قصة الاخت دفأ المشاعر اثرت فينا كلنا ..



اختي :

ان شاء الله ان الامور الى خير


اختي .. توكلي على الله ولن يصبك الا ماكتب الله لك

ماراح تضر معدنك الاصيل وطيب قلبك ..

ولا يهمك من كانت عكس طيبتك

الخير خير وله اجر وبركة في الحياة والاخرة

واختلاف معادن الناس لايغير هدفنا في عمل الخير ..

الايام ستوضح لك مدى مردود حبك للخير وطيبتك

وهي ستندم على تماديها واستغلالها

هادها الله واصلح حالها

اختي ادعي لها وصدقيني راح تتغير اوضاعك


هوني القضية .. وخفي من التفكير فيها

اهم شي نفسيتك ترتاح .. وعملك مايتأثر ..


اختي افتخري ان لك في زمن السواد قلب ابيض نقي


..

حبيتي هلا
بالعكس انتي المفروض تحمدين ربك انه اخوك عرف نوياها الخبيثة
وبينت على حقيقتها يعني مااشوف مشكلة الأ انك تطنشينها وانتي واثقة من نفسك
يمكن رايي مو في محله بس اعتبريها نصيحه من اختك الصغيرة والأشكال هذي لاتقربين منها
المفروض هي اللي تنقل من المدرسة كيف لها وجه او عين تشوفك
صحيح ناس ماتستحي ,,
صراحه انقهرت كني انا صاحبة الموقف بس اتمنى انك ماتعطينها اكبر من حجمها وانسيها ولا كنها موجوده ,,

حبايبي واغلى نااااااااس على قلبي وروحي
يارب يسعد قلوبكم زي مااسعدتو قلبي هذا اللي يبغالو اصلاح من جد قلبي عذبني بطيبته والله مااتوب رغم كثرة المواقف اللي حصلت معاااااااااي
لكن كلامكم الرائع ووقفتكم معايا ماراح انساها ابدا لاني فعلا حسيت اني بين اخواني واخواتي والله العظيم عن جد اقولها انا فخورة فيكم

وللجميع الشكر والتقدير ياليت اقدر ارد عليكم واحد واحد وكل شخص له مني كل تحية وتقدير ومحبة بس دخولي للنت محدود لضيق الوقت وانشغالي بعمل مسائي اخر غي العمل الصباحي لذلك لااجد الوقت الكافي كي ارد على الجميع

لكن والله والله كل اخ او اخت رد علي حصل له دعوة من كل قلبي ان ربنا يوفقه ويسعده دنيا واخرة ابغى ابكي من جد سعيدة بكلامكم اللي طيب خاطري
اما بالنسبة لماذكرتوه اني اواجه يااااااااااالله واجهتها وانكرت ولا قالت اني خطبتها لاخويا قدام العالم وبعدين غيرت كلامي لان قلبي محروق عشان اخويا بيتزوجها رغم اني ماايد الرجال يتزوج على مرته لكن انا مالي شغل اخويا رجل يمكن اقدر أأثر عليه لانها انسانة ماتصلح له؟؟ لكن يبقى في النهاية رجل يعرف الصح من الغلط والله فرحة انه تركها وهذا اللي حارق قلبها ياعالم ماتستحي والله اكثر مكن 70 رسالة ارسلتها وتحلف بالله انو هو يلاحقها ويتصل عليها؟؟
وفي النهاية بعد ماواجهتها قدام الادارة قلت اجيب الجوال قالت خجلت اقول اني كنت اراسله قالت لها وحدة رهيبة ياشيخة حرام عليك زوجي اللي هو زوجي لاريمكن ارسل له 70 رسالة فشهرين؟؟؟؟؟؟؟؟؟؟؟؟؟؟؟؟؟؟
عموما ازعجتكم لكن مافي طريقة ماسويتها وسطت ناس عشان ماابغى ان الله مايقبل اعمالي اذا هجر المسلم اخوه المسلم لكنها اترفعت وقالت اصلا انتو مو من مستوايا واانا غير رغم ان قبيلتنا وحدة للاسف ويمكن مستواي الاجتماعي والتعلمي والاسري افضل لكن لايهمني ذلك


والله اقولها بحرقة ناااااااااااااااااااااااا ااااااااااااادمة على كل اللحظات الجميلة التي قضيتها معها


ناااااااااااااااااااااااا ادمة على كل همسة حزن اشعر فيها عندما تتكلم عن نفسها لم اتوقع يوما ما ان يحدث ماحدث



لكن الدنيا تعلمنا كثيييييييييييييييير

وغير كذا اذكر مرة طلبت مني نسافر انا وهي لمكة من غير اهلنا مايعرفوا قلت وي وليه ان شاء الله قالت نتمشى هناك ونصلي؟؟؟؟؟؟؟؟؟؟؟؟؟؟؟؟


اتخيلوا كيف اسوي خير بمعصية قلت واهلنا قالت بلا بطيخ نرجع فنفس اليوم؟؟؟
المهم قلتلها تعرفي لو متنا انا وانت في الطريق اقسم باللله مااحد راح يقول راحوا عمرلاة او لمكة راح يقولوا صائعات ويمكن مايترحموا علينا كمان قالت يوووووووووه منك ومن تفكيرك المهم تركتني وسافرت


اتبغى وقفتكم ارجوكم ابغى الدعاء لي بظهر الغيب ان الله يثبت قلبي نفسي اشيله واحط قلب قاسي مكانه عشان اعيش صح لان قلبي في هذا الزمان ماينفع والله جد ماينفع ابدا وهو اللي مضيعني؟؟؟؟


اشكركم كثيرا ايها الرائعون وكلامي مكسر ساعة عربي ساعة عامي بس اعذروني والله تعبانة وتصدقوا خلاص قررت مااثق في احد ابدا وماراح اعطي قلبي لاحد بس ياليت اقدر والله لو بكرة احد يكلمني تلاقيني نسيت كل شي دلوني على طريق انسىىىىىىىىى



ولكم كل الشكر

محبتكم/ هـــــــــــــــــــــلا

شكرا اخي الكريم ياسر



يعطيك الف عافية وماقصرت بالرد



اتمنى اني فعلا اطلع من اللي انا فيه لاني اصبحث لااثق بالناااااااااااس



تحياتي لك




هــــــــــــــــــــــلا

عزيزتي هلا الغالية :icon_roll

اسألي نفسك هذا السؤال ..... لو ماتدخلتي وطلعتي لها جوال ....كان ممكن يصير هذا كله ؟!!!!! :11ughboun

مجرد استفسار ... :biggrin:

شكرا لك :blushing:

فعلا اختي هلا

لاوجود للقلب الطيب في هذا الزمان

ناس تبيك مثلهم

قلب قاسي+كذاب+غشاش+مخادع+نصاب= تعيش صح

بس ابو القلب الطيب والي يحب الخير للناس يا كلها في لحينة مثل ما يقول المثل

بس احسن مثل طنش تعش= تنتعش

خليكي مثل الجبل لا يهمك عوي الكلاب

ستعوي ستعوي حتي تتعب وفي النهاية ستنخرص السنتها

ويظهر الحق

وفي النهاية اتمني لكي حياة سعيدة

لانتقال من المدرسة يثبت ضعفك وانتصار ها عليك ولكن التسلح بالايمان وقوة الارادة والمواجهة خير علاج لك

مرحبا بك أختي الكريمة : هلا

لعل في استشارة الدكتوره عفاف آل الشيخ الحل الأمثل ولكن من باب المشاركة أقول عليك تطبيق ما أوصى به ديننا الحنيف في مثل تلك الحالات :

قال الله تعالى (ادفع بالتي هي أحسن فإذا الذي بينك وبينه عداوة كأنه ولي حميم).

هذه الآية إجعليها دائما ملازمة لك في جميع الأوقات
لاتهجري تلك التي كانت لك أخت يوما ما وأزلها الشيطان
بادئيها بالسلام والتحية
كوني حذرة منها بقدر ما ترينه ملائما
احتسبي الأجر من الله على صبرك حيال أذيتها لك
لا تظهري لها ولا لغيرها بأنك متضايقه من تواجدك معها في نفس المكان ولاتفكري أبدا بالتضحية بمستقبلك من أجل هذه الحادثة بطلب نقل أو نحو ذلك
لا تحاولين إثارة الموضوع هذا لها وتناسيه واعتبري بأنها سحابة صيف وعدت

وقد يكون من المفيد بعد ذلك توسيط أحد الأقارب الحكماء لك أولها ليتم حل المسالة ولا تتطور إلى أبعد من ذلك


مودتي

ودنا بالطيب بس الزمن جحاد طيب

..................... كل ما تخلص مع الناس كأنك تغشها


يدك لامدت وفاء لاتحرى إش تجيب

.................. إن كان جاتك سالمه حب يدك وخشها


اهديك البيتين اختي ولا اجد ما اقوله بعد كلام الإخوان

اختي هلا انتي سويتي الي عليك من خير وانشالله لك اجره عند الله ولا تندمين انما الاعمال بالنيات ونيتك كانت حسنه ولا تخلين مثل الشكليات هذي تكون عقبه في طريقك واساسا انتي صاحبة الموقف القوي ماعليك منها ولا تنظرينها بعين الاعتبار واصلي دربك وحياة عمليه موفقه ومتفوقه

أختي الغاليه والعزيزه / هلا
أنا أضع وجهة نظري وكل شخص له وجهة نظر
أولا لاتدعي عليها أنا نفسي ما أحب أحد يدعي على الثاني أوكيه هي ضلمتك ربنا سبحانه وتعالى مايتركها لكن لاتدعي عليها وإنتي إنسانه طيبه وقلبك كبير ولابد إن تعلمي كلنا كان لنا أصحاب ومرينا بتجارب وأكتشفنا إن هالصحبه وهالسنين راحت على الفاضي وأصحاب مالهم معنا كم سنه ويطلع فيهم الخير طبعا الإنسان مايدري وش بداخل القلوب أنا من رائي تروحي المدرسه وتسلمي عادي السلام عليكم وتدخلي ولاتحتكي فيها السلام طبعا واجب على الجميع لكن لاتحتكي فيها وخلي الأمور طبيعيه جدا يعني علشان واحد مزعلنا نسيب المدرسه أو ننقل يعني هي مسأله صعبه شوي المشاكل في كل مكان وأتحدى إذا إنسان ماعنده مشكله لكن رغم هذا لا تشغلي بالك فيها وطبعا قلوب الناس تختلف في ناس يتحملو وناس مايتحملو لكن أبيكي من الناس إلي يتحملو ويصبرو والله ثم والله ثم والله ثم والله وأنا أحلف بالله إن لو تجمعو الخلق كلهم فوق راسي وسبوني وأتكلمو علي والله مايهز فيني شي ولا أنحرق ليه لأني طالما إني واثق من نفسي مايهموني الناس ولو الإنسان يبي يسمع لكل من تكلم بيموت أكيد بيموت أو يحرق أعصابه وأغلبية المشاكل عندنا إن فلان يسمع لفلان وليه تقول عني كذا وكذا أنا الحمدلله من صغري ما أهتم للي يتكلم لكن رغم هذا كسبت إن الناس يصدقوني في كلمه أقولها ومايصدقو عني شي مهما كان دام إن الحمدلله ماصار شي خلي الأمور طبيعيه ولاتشغلي بالك في الناس صدقيني أتكلم معك من قلب صادق يتمنى لك الخير يعني تخيلي هالمنظر إني أنا ماشي وواحد وراي يسببني ويلعن فيا وأنا مطنش وماشي عادي ولاكأنو في شي وهو يسب إنتي لو شفتي هالمنظر وش بتقولي بتقولي عنو مجنون وعني عاقل صح ولا لا المهم لاتدعي عليها خليكي عاديه ولو صرتي عاديه وطبيعيه هي بتنحرق صدقيني هذا إلي عندي وأتمنى لك التوفيق في حياتك
الله يسعدك
تقبلي خالص تحياتي ،،،،،،،،،
أخوكي: عبدالله محمد

عزيزتي هلا

اول شي لازم تعرفينه انك ما غلطتي يوم دخلتي اخوك عشان مشكلة جوالها ،،
والغلط كان من اخوك ومن صديقتك هذي ..فلا تلومي نفسك على شي مالك ذنب فية


ثانيا انتي تقولين قلبي طيب وش اسوي فية ..بسألك هل طيبة القلب عيب؟؟
اكيد بتقولي لا طيبة القلب بالعكس صفة حسنة ،،وطيبة القلب لا تعني العباطة (مع انة الكثيييير وللأسف صاروا يشوفون اللي قلبة طيب عبيط)
أذا لا تغيرين هذه الصفة الجميلة اللي فيك وهي الطيبة ،،عشان اي احد ..
هم اللي لازم يغيرون صفاتهم السيئه مو انتي ..

تدرين جت لي فترة شعرت فيها بالنقص ..تعرفين لية ؟..
لاني كنت طيبة وصادقة واصدق الناس و صريحة وما احب اجرح احد ولا اخدع احد في نفس الوقت
ما اعرف الف وادور ولا ارمي الكلام على الناس واقول امزح يوووة ياربي ما تبين احد يمزح معك وانا ارزح
ولان هذي صفاتي فكان البعض ممن لا يعرفني جيدا يظن اني غبية وانه هم اللي يتصرفون بالعكس انه ذكاء وحنكة منهم
بعدين فكرت وقلت ليه انا اللي احس بالنقص بالعكس هم اللي يمتلكون صفات مخجلة هم من يجب ان يحس بالنقص..


اتمنى اني قدرت اوصل لك الفكره

وعلى ايش تعبانة نفسيتك ..المفروض هي اللي تتعب نفسيتها ويطيح وجهها (الحمد لله ) مو انتي ..


`

اختي العزيزة كونك تحملين قلب طاهر طيب من المفروض الا يعرف الحقد والكراهية

على من كانت في يوم من الايام اخت كما تقولين والمسلم لا يعرف الحقد

[align=center]اما النسبه للقلب الذي تريدين ابداله فلا حول ولا قوة الى بالله لديك قلب طيب

تريدين ابداله بقلب منافق ................................ القوة تتسلحين بها من عند الله يا اختي

انا بالنسبة الحل فالحل بيدك بعد وهو تجاهل الخصم وبدون اظهار لهذا التجاهل ومحاوله منك

الى التقليل من حجمها بعينك حتى تستطيعن تقليل حجم الضرر الذي الحقته بك

فحجم الضرر من حجم صاحبه .............................. لست دكتور نفسي او حلال مشاكل

ولكن بعض التجربة وبعض الكلام الذي نسمعه نستطيع استخلاص العظة والعبرة

والمؤمن لا يلطغ من الجحر مرتين .................................................. ............

و اسمعي مني اختي ........... اتقي شر من احسنتي اليه

وقبل الختام ادعو الله انه يساعدكي في محنتكي وكوني السباقه الى المصالحة [/align]

[align=left]تقبلي تحياتي اخوكي النقي [/align]