جيناكم بعد الغياب بالجديده ورايكم يسعدني
[poem=font="Simplified Arabic,4,black,normal,normal" bkcolor="transparent" bkimage="" border="double,8,orange" type=3 line=1 align=center use=ex num="0,black"]
ياضلوعي سكري زرفال صدري
لايدش الصدر غيره ياضلوعي
اللعشيق اللي عليه انثر دموعي
لو فقدته ربع ساعه زاد جني
اعكش الرمشين والمبسم عذابي
عود راك والثمر تفاح شامي
والنحر جمار والممشا حمامي
ياقماري كل ماشفتيه غني
من سبيب اكحيل فيه اقرب وصايف
يخفي الزامي لليا فك الجدايل
بالعذارا ماش من وصفه قلايل
بارك الله في لليال ٍ له رمني
اشهد انه مالك قلبي وروحي
يستحقه والظماير تستحقه
ناعس الطرفين به طيبه ورقه
مع جماله والدلع والغنج فني
لو تمنا من المجر اصنع قلادة
قلت دوك اللبس عسى عمري فدالك
كل ما املك ياملاكي من حلالك
طوع ايام الزمان الي عصني
لاتصير مع الدلع والغنج قاسي
وانت معشوق ٍ عشقته وانت روحي
وانت دايه يادوايه عن جروحي
دوك قلبي مع قصيدي جاك مني
تستحق المدح يامملوح كله
لو مدحت من اللقا لاخر حياتك
يصعب التوصيف تعجبني صفاتك
راضي ٍ بك كنت شيعي كنت سني[/poem]
