&&& غرتك دنياك وأدري غرني بالحب فطرة....ماهو عيب كوني جاهل في طباع الآخرين &&&&
بعد فترة غياب اتمنى الا تكون طويلة جأتكم بجديدي الذي اتمنى أن يحوز على رضاكم
[poem=font="Times New Roman,5,white,bold,normal" bkcolor="transparent" bkimage="backgrounds/3.gif" border="double,4,limegreen" type=2 line=0 align=center use=sp num="0,black"]
من زعل قلبي عليك جيت أعاتب وأتشره=جيت أبين لك حقيقة غايبة عنك سنين
من يحب إنسان عمره ما يدوّر له مضره=وأنا ماعشت فغرامك غير جرات الونين
كنت عايش في زماني راضي بخيره وشره=من عرفتك صرت جامع في حياتي بلوتين
المصيبة كنت سامع عن شقا حبك ومره=واللي أدهى كنت حاسس إن قلبك مايبين
كم تجاهلت الخطايا صنت لك بالقلب عشرة=كنت شايل لك بقلبي حب يندى له الجبين
هو جزا الإحسان انك تهدي الخفاق جمرة=أو جزا الإخلاص انك بالمحبة تستهين
غرتك دنياك وأدري غرني بالحب فطرة=ماهو عيب كوني جاهل في طباع الآخرين
للأسف هذي الحقيقة واللي خلاني أتشّره=جيت اوضحها وراحل بعد غيبة هالسنين[/poem]
وسلامتكم يالغالين
