المشاركة الأصلية كتبت بواسطة خليف الوهيداني
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياصاحبي ضيقت صدري وبالي=وطعنتني يازين طعنه قويه
من عقب ماني يادعج العين غالي=وليا اتصلت ترد لي بالتحيه
اليوم عندك شان حظي وفالي=حتى بكلامك صرت تبخل عليه
ليتك تشوف اللي سببكم جرالي=وتشوف حالي ويش سويت فيه
من سبتك دايم وحيد(ن)لحالي=ماتقل حولي ناس بالارض حيه
عطني حبيبي لو شويه مجالي=لو الوداع الله يخليك ليه
فرقاك ضيق وهم كبر الجبالي=كبر جبال الطويق والا طميه
من هجركم ياصاحبي عزتالي=ولمشكله هجر(ن)باليا خطيه
بالصد قلبك قاسين مايبالي=ونفسك على تعذيب نفسي جريه
خطر(ن)عليه من سببك الهبالي=غيري سبب غيضك وصرت الضحيه
من صدكم نومي نكد ماهنالي=وزاد الهجر نفس(ن)من اول شقيه
ياصاحبي يفداك غالي حلالي=ويفداك ماتقدر تطوله يديه
وصاحبي عني بعيد المنالي=قريب لكنه صعيب(ن)مجيه
الله يلومه كان دور بدالي=وانا الذي مغليه من حسن نيه
اسج لمن الحبيب طرالي=كني على ارض(ن)مابها جاذبيه
ولا ني انا ناسيه لو مادرالي=ولو مانوا يرجع حبيبي عليه
وعليه ابا رمي غترتي والعقالي=الله يخون اللي يخون بخويه
خليف الوهيداني[/poem]
