[frame="9 80"][poem=font="Simplified Arabic,7,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه كثرت علي الطواري
=عيت طواريق الشعر تبري الحال
يوم الردي واللاش والدون عاري
=من ما لجابي ياملا 0همي جبال
قرب لي الفكس آر والا السفاري
=في غربتي صرت المخاوي ورحّال
ضاري على ضرب المشاوير ضاري
=درب الملاوي والشقا صار مدهال
حتفي بكتفي ينتظرني وشاري
=مابيع حتى تقطع انفاس وحبال
سريتتنا والهم با لليل ساري
=والليل موحش مظلمٍ كله ادغال
والفيت يم سهيل نجمي يماري
=يابعد نجم سهيل والمنزل العال
والشمس بانت عقب طول انتظاري
=ياللاسف ماشفتنا لي ولا ظلال
اعيتني الدنيا وشفت العزاري
=وازريت اسايرها على كل منوال
ماحدٍ درى عني00 ولانيب داري
=ليه الرجال احيان ماكنها رجال
لاعلها تذري عليه الذواري
=رجلٍ على ربعه تكبر ويختال
غره دنانيره وبعض المشاري
=مايدري انه صفر في خانة شمال
يا ونتي ونة كبيرٍ وهاري
=عودٍ يشادا لابغى القول ماقال
يشوف ماغثّه ولكن يواري
=يبدي المسره والفرح فيه مغتال
حكمة كبير السن شيبه وقاري
=دربه خضر ماقد تغنى بالاطلال
وياونتي ونة عبيد ومشاري
=يوم الفقر والحال من دونه احوال
فوق النضا يشدونها والمهاري
=ماهمهم جوعٍ ولا الزرع لا طال
جروا على المسحوب وسط البراري
=لين الحمايم فوق الاغصان ميّال
وياونتي ونة مريض الطواري
=فجأه بلا موعد ولا جا على البال
جلطه ثلاث سنين ما اوحيت جاري
=وده يون ولا تكلم ولا احتال
وياونتي ونات أم انتحاري
=ضحى بنفسه وانتهى بسو الاعمال
فجريحسب انه بذات الصواري
=او في معركة حطين غروه جهّال
غروه من قالوا شهيد الكباري
=دمّر هله والمنشأه دمّر اموال
مايدري ان الشرذمه في مداري
=دار الفلك واستوثق العهد عقّال
وياونتي ونة خلوج البكاري
=اخذوا ولدها صابها عقبه اهبال
ياونةٍ ونيتها فوق داري
=مادري متى الفوا على البيت نزّال
سمعت فوق السطح صوت الكناري
=تقول يا الطرقي ترى مثلك الحال
خلي يدورلي بعين العذاري
=وانا ادورله على كل موال
اصفق بكفيني واهل العباري
=على وليفٍ راح ماعاد ينطال
اما طواني الياس 00رغم اختياري
=ولا انتهيت وصرت عبره للاجيال
البارحه ليلي سوى مع نهاري
=ما فادني بدع القصايد والامثال
مرت على بالي كثير الطواري
=يابري حالي كثر مايبري الحال[/poem][/frame]
