السلام عليكم ورحمة الله وبركاته
هذه قصيده متواضعه ارجو ان تنال شي من الاعجاب
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودي وود النفس والقلب وده= واحترت من وده مع النقص والزود
مثل البحر ما بين جزره ومدّه= النقص واضح والبحر ماله حدود
يا لايمي فكري سرى لاتردّه= خلّه يخيّم داخله لين العود
اللي سلب عقلي وقلبي بوّده= جاته لو انه مابدا منه مجهود
عقلي مكنته بعد ماراح قدّه = والقلب راح ولا عن القلب منشود
ياليت جدي من بني عم جدّه = صلة قرابه تشمل الورع والعود
من شان مايكثر عليّه بصدّه= ويصير حبل الوصل بالوصل ممدود
إن شده ارخيله وإن ارخاه اشدّه = ويجود بوصالي وبوصاله اجود
ابو جديلٍ فوق متنه يكده = سمح المحيّا تذبح عيونه السود
اذكر رفيف البرق لا شفت خدّه = فالمزنه اللي جالها برق ورعود
مظرابها فالارض كلٍ يعدّه = ويكناه عن راع الغنم راعي الذود
مالي عنه في كل الاحوال صدّه = لاصار تطرقني على ذكره النود
يتوق له قلبي ليا غاب مدّه = ويزيد له شوقي ليا صار موجود
بيحت له سدّي ولاباح سدّه = غديت انا وياه حاوي ومردود
ان قلت ابيها تستعز المودّه = اخاف يلحقنا من الناس منقود[/poem]
