جرح المشاعر ما تشافيه الاعذار
لم ترتقي حروفي بعد إلى مستوى الذائقة الرفيعة لجمع المبدعين هنا فليعذروني على التقصير أولا وعلى طول الغياب وقلة المتابعة ثانيا وأتمنى للجمع التوفيق مع هذه المحاولة التي تنشد نقاء القلوب
بداية قصتي معك وانت تـــــدري
أهديت لك كلي وقلبي لك اختار
جيتك محبة ..شوق .. إلهام فــــكري
قصة.. رواية .. خاطرة .. نثر.. أشعار
ضمك غلا مكنون في جوف صدري
والقلب حبـّك ماتردد ولا احتـــــــار
لكن صـــــــدِّك حطّ من جل قدري
شكواي لله خلها تحل باقــــــــدار
لا تعتذر يازين (ماعــــــاد بدري )
جرح(ن) بقلبي يشتعل كن به نار
الحب ما هو بالعدد كسر عشري
مالا نهاية مابه اخماس واعشار
(أدري وتدري والمخاليق تدري )
جرح المشاعر ما تشافيه الاعذار
حتى لو ان البلسم اسلوب عصري
مافاد ..وش يفيد والجرح قد غار
الله يعين ويجبره ضيم كسري
نهاية قصتي نقط ................حبك أصفار
مخاويكم
عبدالرحمن الجبابرة
