المشاركة الأصلية كتبت بواسطة خالد الشهري
مسائكم ورد وياسمين
أتمنى أن يكون الجميع بخير وعافية
وأعتذر عن إنقطاعي الناتج عن ظروف والدتي الصحية ..
نصافحكم بعد الغياب بكلمات عابرة سطرتها في "أغلى البشر"
والتي بالطبع لا تفيها جزء مما تستحق ....
كلي أمل بأن تنال رضاكم وإستحسانكم .
كما آمل منكم أن لا تنسون والدتي من صالح دعائكم ،،
" يا تاج راسـي "
يمّه عسى رب المخاليق يشفيـك
ويمتّعـك يالغاليـة بالعـوافـي
وانه يديمـك يالحبيبـة ويبقيـك
ياتاج راسي يا غطـاي ولحافـي
يمّه ترى روحي مع المال تفديـك
وإن ضاقت الدنيا تشيلـك كتافـي
أنتي البشاير والفـرح والتباريـك
وأنتي الحنان ومصـدر الإئتلافـي
يرتاح بالي كل مـا حـل طاريـك
وإن غاب ذكرك يقبل الهم لافـي
في قلب خالد ما به أحدٍ يجاريـك
أقولها صـادق وهـذا إعترافـي
أحب من حبك وأعـادي معاديـك
واللي زعل يزعل ولا به خلافـي
لو أكتبك ديوان مـا راح يكفيـك
ولو أوصف أفضالك تحير القوافي
في عالي الفردوس ربي يجازيـك
مع النبي وأهل القلـوب النظافـي
ومن كل حاسد يا عسى الله يحميك
ويمتّعـك يالغاليـة بالعـوافـي
.
.
.
.
إحترامي للجميع
،
،
،
أسير البين
