$$**وسام العز**$$ ((قصيدة في حب الوطن))
[align=center]قصيدة تشرفت بإلقائها بمناسبةاليوم الوطني على قناة art
و مبايعة سيدي خادم الحرمين الشريفين الملك عبدالله بن عبدالعزيز آل سعود حفظه الله ورعاه[/align]
أترككم مع القصيدة
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,tomato" type=2 line=0 align=center use=sp num="0,black"]
سجدنا للعظيم اللي خلقنا ربنا المعبــــــــــــود=عـلـى التــوحيــــد بكفوف ٍ تسبح حمد باريها
عظيم الشان سبحانه بلغنا بعزته المقصــــود=عــلـــى كــــــل البشر سدنا وجاوزنا معاليها
عقب مُر السنين اللي يمازجها ألم ونكــــــود=غــديــــنا بفضــــــــل خالقنا بلادٍ يقتدى فيها
بشرع الله وكتابه وسنة راعي المحمــــــود=حكمـــنــا فــــــــــي شريعتنا وطبقنا مباديها
نثني الحمد للوهاب وهبنا نعمة المنقــــــود=نــديـــــن اللـــي يشين ولا نفكّر في تواليها
ترى الإرهاب وأعوانه وفكر العلمنة موجود=ولكــــــن ما تغيــــــرنا عقول ٍ شان طاريها
مسفهة العقول اللي تدس السم وسط ورود=خفافيش الظلام اللي شروق الشمس يعميها
هل الفتنه وشراذمها ترى تفكيرهم محـدود=تلاعب بالصغير اللي جهل لعنة مماشيها
ذياب الليل ووحوشه بهم صار الأمل مفقود=علــــى تفكيــــرهم غبره سواد الليل كاسيها
وطنّا دونك رجال ٍ عن حدودك أسود تــذود=وطنّا والوفـــــــــا فينــــــا ثوابت عز بانيها
وسام العز نفخر به لباس المرجله والسود=دروع المملكـــــــــة حنّا نرد أطماع باغيها
وياجعل البياض الفال لبو متعب قوي العود=عضيد المعسرة اللي عنا الدنيا يقاويها
إذا شاح الزمن واضحى عليها حاجبه معقود=فلا مُر السنين يضيم ولا وحشة لياليها
أبو متعب خلقه الله يمينه من كرمه تجود=أبو الفزعات بالدنيا إذا حلت بلاويها
غلاه اللي تملكنا سكنا خارطه وحدود=جنوب وغرب ديرتنا وشرقٍ مع شماليها
بيوم المملكة الغالي نبارك له طفل وجدود=ونرخص كل ما نملك لجل عينه ونفديها
بيوم المملكة الغالي نجدد له وفا وعهود=وجوده نور هذي الأرض لأنه أغلى مافيها[/poem]
حمد الأسمري
