. . . ( الحب وسلاطينه ) . . . للعابث مغترب !!
مساءكم سكر :
الجادل اللي تنادي( مغترب ) وينه
قولولها ( مغترب ) سافر وخلاها
نسى المحبة ومات الورد بيدينه
ولاعاد همه بعد هالوقت يلقاها
طموحه اكبر من ( الحب وسلاطينه )
ومن صوت ( بنت ٍ ) يذوب الشهد بشفاها
ماهو خطاه الامل مادام من حينه
يرسم معالم حضاراته ويتباهى
قولولها دامها أخر محبينه
الحب وحده من أضحكها وبكاها
والحب بالذات ربي ( يقطع سنينه )
ياماااا قلوبٍ بلارحمة تبلاها
كم عاشق بالهوى ضاعت عناوينه
وكم ( مترفة ) في وجوده ضاعت خطاها
يوصل بها الشمس لين تقول ( ياااااازينه )
وشويش بشويش يامرها وينهاها
وإذا تمكن وصارت من مساجينه
فرض غيابه بدون اسباب وأشقاها
كذا هو الحب بلوى والبشر طينه
وقلوبنا أطفااااال والاحلام ترعاها
والجادل اللي تحسب القلب ( قنينه )
يضيق والروح تزعل من خطاياها !!!
قولولها ( الصبر ) يبحر في شرايينه
وقلبه محيطاااات وأنتي ( لتر ) من ماها
يعني تنادين وإلا ماتنادينه
ماراح يرجع يكفي الروح ماجاها
واليوم يطلبك بعد الهجر تنسينه
ويقول حتى الأماني ليت تنساها
