بمناسبة ازاحة الستار عن العام التاسع والعشرين
[align=center]هذه القصيدة بمناسبة ازاحة الستار عن العام التاسع والعشرين من عمري
وعقبال ما ازيح الستار عن العام الألف بعد المليار بالصحه والعافيه ورضا الله ثم رضا والديني
.................................................. .....
[/align]
[align=center]صلو على سيدنا محمد عليه افضل الصلاة والتسليم[/align]
[poet font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=350% align=center use=ex length=0 char="" num="0,black" filter=""]
" تسعة وعشرين مركب "
مرحبا(ن) مليون في مليون يا شهد المعاني=مرحبا(ن) والبال رايق لابس(ن) ثوب السكينه
مرحبا(ن) والليل توه قبل تلفين بثواني=شرف " البندر " وكنه فاقد(ن) شوفة ضنينه
مرحبا(ن) والصمت وسمه معتلي روس المباني=باسط(ن) يده على ثرثرة وإزعاج المدينة
سامريني سمرة السلطان مع بيض الغواني=وابصطي كفك لعذب الشعر من صافي معينه
وامسحيلي دمعتي في عز تغريد التهاني=واربطي راسي بشال الصبر من زود الغبينه
" تسعة وعشرين " مركب غادرت شاطي بناني=جعلها تغرق ببحر الرحمة بحمل السفينة
" تسعة وعشرين " راحت " صعلكة " والشيب جاني=يرمي المرساة على العارض وكنه شاف مينه
عشت فيها احصي الغلطات واحاسب زماني=واسأله بيني وبينه ليش هانتني سنيه
" سوف " احلامي بعيني في البحر قشت اماني=لاجل يبري ذمته والريح وامواجه تدينه
حاول انه يحتويني وسط سردابه دعاني=لكن النفس الأبيه دايمى(ن) تكشف كمينه
ما درى إني من علوم المكر ما جاني كفاني=اشتري وابيع واربح والعشاء ظهر السمينه
من طموحي تغرب الشمس وزماني ما عطاني=فرصة أرتب واغير في ملامح ساكنينه
بوصلة فكري لشمال المجد ما تهجر مكاني=لازم المجد وشماله يتجه صوبي جبينه
من سحايب فكر صافي اسقي الروض وجناني=وإن حصل في الجو عج اشفر الموجه الحزينه
صاحبي في منصبه والعهد لقمه في صواني=يرفع سهوم الخوي في نون عيني زود دينه
والاسامي عذراها الواهي بطعم الزعفراني=كيف يعتقد نفس غلطه اضحت بكفه رهينه
وكفها المغلول في ذنبه بخمسه لو كواني=يشهد الله ما تعذر لو نوى مدة يمينه
احتوي نفسي بنفسي والوهم لو هو كساني=ثوبه البالي كسيته واقع السندس بزينه
بسمتي قهوة عزاي وما تذوقها لساني=من حلاها غيرت طعم العزا يا مدمنينه
الفاء لو كان يمنى والردا في كف ثاني=اقطع الثاني وظفر الاوله والله ما اهينه
اعتزي وارد واشوف الذهب صمتي وكاني=ما بليت " اذاني الثنتين من طين وعجينه "
وإن تواسالي سواد الليل بعزف له كماني=لين افيض عبرته وارحمه من زايد انينه
وانحر الدمع " بشهادة " قبل لايهدم كياني=خايف إن الليل يشمت لا غزت خدي الثمينه
اشتكي لله وحده واعرف إن العمر فاني=واحمده ما دام ذكري ما طرى علم(ن) يشينه
ذي علومي يا معاني عشت اعاني من زماني=وإن رضيت او ما رضيت الحيله إن الله يعينه
محمد بن دوشان القرني
اخو سلمى
[/poet]
