( طـلــعــة ســهــيــل)
*************
لحظة جمعنا تحت ضوح القمر ليل
وإتعانقت عينـي بنظـرة عيونـك
****
أمسيت أفكر في جميـع التفاصيـل
كيف أخترق عقلك وأبـدد ظنونـك
****
كيف أستظل تحت الرموش المظاليل
كيف أعتذر باسم العشق من جفونك
****
كيف أرشفك كيف مع البن والهيـل
كيف أشربك كيف أرتوي من مزونك
****
كيف أكتبك وآحلل الشعـر تحليـل
كيف أوصفك كيف أنصفك ما أخونك
****
كيف آتخيل الأرض تحيا بلا سيـل
وانتي المطر وقلوبنـا يعشقونـك
****
لك طلعة تشبه (بهى) طلعة سهيـل
ليمـن تكبرتـي فهـم يعـذرونـك
****
حبيبتي لاسيـف عنـدي ولاخيـل
وكل الطعون اللي بقلبـي طعونـك
****
أتخيلـك وآ قبـل الجـرح تقبيـل
واعزف مع الونات نوتة لحونـك
****
لو ماتحبينـي أحبـك أنـا حيـل
ما للهوى معنـى وقيمـه بدونـك
****
الله يجعـل دوم دربـك تساهـيـل
ويصد عنك كيـد مـن يحسدونـك
*****
الوصل مايحتـاج مهلـه وتأجيـل
كـل المشاعـر بالغـلا يحترونـك
**************
أخوكـم ومحبكـم / بـن ماضي
