هذا ردي على قصيدة ------- شاعر الصمت
هذه القصيده استشارني الاخ سلطان بن فيحان وطلب المساعدة على حظه
ويشرفني ان ارد عليها للاخ شاعر الصمت بما جاد به اللسان والعذر على القصور
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مشكاي للي خالق الناس بطباع=وكلا على حظه مشى في حياته
وحظي عمى شايب ويمشي بمركاع=ياكثر ماضيع دروب بعصاته
وياكثر ماقدته على الدرب منصاع=يمشي عنيد ولوعه الوقت جاته
يانعنو جده رضى دوم بالقاع=مثل النعام اللي رضى في وطاته
وابستشيرك يامحمد على الباع=ان كان تخبرلي بدل حظ هاته
بالمال والا الجاه والا بالاقناع=عندي سلوب لمن شرى في هواته
تراه شاعر ينظم الشعر بابداع=ويحبك بيوت الشعر باجزل صفاته
ويسهر بليله يوم هالخلق هجاع=يسهر واعرفه لاسهر وش مناته
ويامحمد اعجل قبل لايموت بالساع=اعجل تراني حالما في وفاته
وختامها صلوا على نور الاشعاع=نبينا اللي عايش في مماته [/poem]
:
وهذا ردي على قصيدة الاخ شاعر الصمت سلطان بن فيحان وأعذرونا على التاخير
[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه نسنس من الغرب ذعذاع=معه الذيابي مرسللي وصاته
يبا خوي ٍ له على الحظ فزاع=والحظ حنا من يحني حصاته
الحظ ياسلطان فازع وقراع=ورفعه ليا قام البنادم صلاته
والرزق يبغى له مع الصبر مرياع=ماجاء بهاته ارق تاصل علاته
الرزق مقسوم ٍ على الناس بالصاع=وحنا بلدنا منبعه من بداته
في حكم ابو متعب شبع قاصر الناع=من كثر امانه مزهبه هي عباته
ونته يابو فيحان لك فكر وذراع=الذئب يلقا صيدته بغبشاته
خلك على رزقك مع الناس طماع=لاتحتري حظك وهذي سواته
اضرب فياف الأارض بالشبر والباع==ما انته من اللي حسبته من خواته
اللي نهاره لليل قبوع وخناع=قذله ونظارة وحمرا ً شفاته
ترى النواصي خير مع بعض الابقاع=والرزق يطلب والتعب هي حلاته
وان كان ياسلطان تعديل الاوضاع=عندي لاجيبه سيته وحسناته
واقوم قومة صامل ماش مرجاع=والطيب بالطيب تراها طراته
لكن وضحلي مطاليب الاسناع=والحظ كبه ينثبر بعثراته[/poem]
