أعزائي لكرام:
بمناسبة إحتفال أهالي مدينة الرياض والإحتفاء بالمليك المفدى وإثبات الولاء
والحب أحببت المشاركه والتعبير عن مشاعري ومشاعر الشعب السعودي
في أبيات آمل أن تنال الرضى والقبول . أقول:
طابت ليالي نجد والشعب غنا......وغنت معه كل المشاعر بلا زيف
الحمد لله جت على ما نتمنـى......واللي تمنينـاه جانا على الكيف
إمامنا المحبوب فينـا ومنــا.......بالحب بايعـناه من غير تسويـف
يومه على شاني وشانك تعنى......حنا على شانـه وطينا الكواليف
حنا هل الطولات والحرب حنا.......وقدامنا العدوان ردوا مناكيف
نرز رايتنــا ونحمي وطنــا........ونرز في وجه العدا رمح وسيف
تفداك صحرانا وقرانا ومدنا........وفي حكم أبو متعب غدا ظلها مريف
هذي الرياض تخضب الكف حنا......وتصفـف المجدول بالكـف تصفيف
بانت كما الخفرات في عرسهنا.....تحفزت تلقى عظيم التواصيف
دستور أمتنا له الشرع سنا......ماهوب من صاغ القوانين تأليف
نبع الزعامه عل منه وتهنا.......تاج الملوك وبالكرم قصره منيف
بأفعالكم نشهد ويشهد زمنا.....نفداك حنا ماتهم التكاليف
الشاعر : ابراهيم بن مرشد
