فـجـر وعـصافـيـر ( قصيدة حب من طرف واحد والشكوى لله )
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
خلي الفجر مستور في خيمة الليل = خليه نايم لا يصحي عصافير
صبحك يرد الناي لقمري المواويل = ويرد عطر قد نسته النواوير
ويخلي فنجال نسى نفحة الهيل = يذكر هتون دلال كانت مباهير
ماغير صبحك صبح هز المعاميل = وقامت تصوت ياهلا بالمساير
انتي صباحٍ به تضيع القناديل = وصارت ظلام بعد كانت مسافير
مدري مراويح انتي ولا مخايل = على الصحاري اللي بصدري مداهير
والا انتي خطوه ماتحب المواصيل = للي عشق صبحك وليلك مشاوير
وكانك غديتي لليالي المقابيل = ذكرى بقول الحظ وهذي المقادير
والا انا بذكرك من جيل إلى جيل = في كل صبح مع زهور وعصافير[/poem]
