كل عام وأنتم بخير
جديدي لكم
[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بنساك أنا من بعد شفت الحقيقه = واليوم أنا بعطيك كل الحقايق
كنت اعشقك , كنت الفتاة الرقيقه = كنت اسعدك لاجيتني يوم ضايق
كنت اتعذّب همّ واعيش ضيقه = كنت اتحملها مدام أنت رايق
كنت اتخاوى والجروح العميقه = ألين صرنا في الليالي رفايق
اصبر واقول إني لقلبك عشيقه = والمشكلة قلبك يحط العوايق
ودك تعذبني بأية طريقه ؟ !! = وانا لحبك ما ذخرت الطرايق
ياكيف تفرح والمدامع غريقه ؟ = تشوف جرحي مع سعادتك لايق ؟!!
لو كان جتني من يدينك حريقه = تهون ,, لكنّ المصيبة حرايق!!
جرحتني في اعزّ واغلى صديقه = قطعت معها اليوم كل الوثايق
ألا معك دمعي كتب لك وثيقه = ( كرهت من غدرك جميع الخلايق )
ولو قلت أخذيني معك لو دقيقه = بقول معادت تفيد الدقايق
النايفة بنت السلوم العريقه = ما تجتمع في الحب مع قلب بايق
كلن يشوف اليوم غاية طريقه = قلبين ماينفع نكمل عشايق
[/poem]
النايفة
