قصيده في شعب وقبايل المملكه ل مفلح بن عمير
[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يالله ياخالق اراضين وابحار=الواحد المعبود رازق عبيده
الخالق الغفار علام الاسرار=وفرق شعوب الارض في كل بيده
ومن بعدها بديت من عذب الاشعار=ابيات شعر والمعاني وكيده
وشري وابيع وعارف كيف بختار=واختار من جزل البيوت الفريده
واذكر تراث وعزوامجاد وافخار=قبايل تومن بدين وعقيده
وصلت حضارتنا على سطح الاقمار =ابنا الجزيره والجزيره امجيده
في ظل حكام لهم فعل واشوار=ال السعود اللي تفك الضهيده
نسل الزعيم الحاكم العادل البار=مجدد امجاد الجزيره ابجيده
حتى اصبحت حره وحنا له انصار=وفي ظل اخونوره هنوف سعيده
وصارت لبوتركي بطوله وتذكار=والفخر والامجاد تبقى شهيده
وخلف لنا ملوك لهم فعل واخبار=والشعب واحد والقياده رشيده
والامن بانينه على ساس وجدار=وقرو على العابث عقوبه شديده
وحنا حماة الدار من كل غدار =وماهمنابطشه وخبثه وكيده
قبايل مالحقنا هم اوعار=وعشنا بهذي الدار عيشه رغيده
والحمدلله نحمده سر واجهار=شعب تكاتف من سنين مديده
ودون الوطن جيش على كل معبار=ون رفرف البيرق ونادى عقيده
بشرق البلاد وغربها دوم حضار=وارض الشمال اللي نفوده مديده
وارض الجنوب اللي تخيضر بالاشجار=جزيرة فيها القبايل عديده
ارض بها قحطان وافين الاشبار=وياعزمنهم فالشدايد بسيده
واذكر عتيبه يوم للطيب مغوار=وان ثارت الهيجا وقرب ضديده
وشمر هل الطولات والجود مقدار=اهل الكرم واهل الفعول الحميده
وقوم اعنزه مروين الاخصام الامرار=اولاد وايل من عصور عهيده
ومطير قوم تكرم الضيف لازار=وياويل خصم في حراهم وعيده
واذكر قبيلة حرب يانعم الاخيار=وتاريخهم يحكي سطور مجيده
وسبيع نعم القوم ووجيه الاسفار=وزبن الدخيل اليا زبن من طريده
واذكر قبيلة يام والطيب يندار=اهل العلوم الوافيه والرشيده
ثم الدواسر هل مواجيب واوقار=اهل الفخر ياعز منهم سنيده
ثم السهول اللي لها الطيب مدرار=وعن منهج اهل الطيب ماهي محيده
ثم اذكر العجمان حماية الجار=والمرجله والجاه فيهم عتيده
واذكر بني مره طويلين الاعمار=وما ينقد المري ولاله نقيده
ثم الهواجر لابة تقدح النار=واهل الركاب اللي خطاها بعيده
واذكر بني خالد قبيله وامار=بنو لهم في المجد فعل ورصيده
وبني تميم اللي لها الطيب مصدار=بني تميم وكل علم تفيده
ثم الزعوب اللي بها الخصم يحتار=شجعان ماترضا سوا ماتريده
والعازمي وافي وفي الطيب بيطار=وروحه على كل المصاعب صميده
ثم الظفيري فالصعيبات جبار=والطيب والامداح باصله وطيده
ثم اذكر الاشراف باجلال وكبار=اهل الحجازاهل العلوم السديده
ثم الهذيلي له مواقف ومندار=راعي الفخر فعله وطيبه يشيده
ثم البقوم اللي لهم جيش وامهار=وريف الضيوف اليا لفاهم وليده
واذكر ثقيف اللي لهم مجد واثار=ومهما حسبنا من كلام نعيده
وبلحارث اهل العز بشهود واقرار=الحارثي ياطيب فعله وجيده
والمالكي معروف لاصار ما صار=في موقف اهل الطيب يبذل جهيده
واثني تحياتي عدد وبل الامطار=على سليم وكل خصم تكيده
واذكر جهينه هل مواقيف وادوار=تلقى الجهيني راسم الطيب بيده
واذكر بلي والمجد له فعل واظهار=وتاريخهم يحكي فعول فريده
وبني عطيه للمواجيب حضار=وقوم بوقت الجد قوم عنيده
ثم الحويطي والكرامه له اشعار=ثم الشراري كل راي يجيده
ثم الرشيدي فالصعيبات صبار=وعلى علوم الطيب فعله يزيده
واذكر جنوب الدار والقاف لو دار=باقي على قلبي كلام واشيده
زهران نعم القوم في وقت الاخطار=والخصم عينه من لقاهم سهيده
والغامدي معروف له عزم واصرار=تاجروبنك المال غطا رصيده
وشمران نعم القوم في كل الاطوار=وبلقرن سم للقلوب النكيده
والاكلبي والمحلفي مابعد بار=وعليان وبلحارث وخثعم رشيده
وبني شهر وبني عمر سيف بتار=قوم على الاخصام نار وقيده
والاسمري والاحمري صيتهم سار=بين القبايل والمواقف شهيده
واذكرعسير الهول ذربين الاذكار=وابها حموها فالسنين الشديده
وادهم والصيعرعلى ذيك الاقطار=يحمون حد الدار من اللي يريده
وامشي مع الساحل معي جملة افكار=رسمتها والطير زان اتغريده
وانزل على جيزان تاريخ وديار=ورجال فيفا والقبايل عديده
وارجوالعذر واهل المواجيب عذار=للي نسيته منذكر فالقصيده
الواهبي عدد بيوته بالادوار=من شاعر ماشل قلبه حقيده
شهران ربعي هم هل المدح والكار=واهل الكند واهل السيوف الحديده
يوم البلد مايامن الزندلوثار=وزيزمنا ابن مشيط نعم الوليده
وفالجهل عراف وفالسلم تجار=من سوق بيشه للتهم لارفيده
حبيت ابين موقفي بين شعار=وارجوسموحتكم على ذالنشيده
وماحب انافق واتعنصر تعنصار=ولانيب اطيع اهل العقول البليده
والشعر بستان به اورود وازهار=واللي تعداها بيوته فقيده
وقولها فالشعر تكرار وامرار=ضرف بلا عنوان يلغا بريده
وبعض السوالف له مواقف ومحضار =وشعربلا معنا لزوم نبيده
وماكل من طب البحر قيل بحار=وماكل من شل الفشق جاب صيده
وصلوا على المرسول شفاع الابرار=محمد الهادي وقدوة عبيده[/poem]
