@خــــ الــــوصــيـــــّــة ـــــاص@
@ خـــــ الـــوصــــيــــّـــة ــــــاص @
بسم الله الرحمن الرحيم
في البداية شكراُ لكل من إطلع على نصي المتواضع @ من عيوبي @ وأبدى رأيه بكل إحترام وتقدير ..
له من نايف الشمري كل مشاعرٍ نبيله تجاه مروره الكريم ..
آمل من كل شاعر وقارئ في منتدى غرابيل أن يتمعن في قصتي ووصيتي بكل تدقيق وعدم إنشغال فكر ؟؟
ففي يوم 1 من شهر 7 لعام 1426 من الهجره حصل حادث شنيع على طريق الخرج _ الرياض أدى إلى إنقلاب السياره وإحتراق الجثث التي بحوزتها في تمام الساعه 4 فجراُ .. وكان بداخلها رجل وإمرأه تدعى ( نوره )..
نقف عند هذا المطاف !! من هي نوره ؟؟
لا أريد أن أطيل الحديث فستعلمون ماتقرأون ولكم القصيده ..
ولكن !! بكل تمعن ..... وتقبلوا تحياتي
[frame="7 80"]
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماتت .. وراحت .. وخلّت بالحشا تسعين كيـّه=
والدجا عسعس .. وتسمع في نسانيسه كآبه
والظلام أدمس .. لعين عيونها ذيك البنيـّه=
والجوارح من غلاها .. صابها خوف ومهابه !!
ماتت وقلبي تعلّق في غلا عشق ابدويـّه=
طاحت نجوم الثريا .. وإنجلى غيم السحابه
والسوالف إنتهت بالموت .. والعالم شقيـّه=
والشرف طااااح وعجزت ألقى على نفسي إجابه؟
والقمر صابه خسوف .. وكان قبل النار حيـّه=
ومن بعد موتت حبيبي .. صار بالدنيا خرابه
يالهيب الروح شبّي من ضلوعي زوبعيـّه=
موت خلي فجّر عروقي .. وقلبي صك بابه
صك بابه .. من عقب ماكانت الدنيا هنيـّه=
ويش أسوي دام خلّي راااااح في أول شبابه
ماتت الفرحه بعيني ليت هامور المنيـّه=
شال روحي قبل ينزع روحها لا واسفابه..!!
ماتت العفّه لبنت ٍ تنتخي لأهل الحميـّه=
مابقى للجود جود .. وعضّني بالجود نابه
ماتت وعيني غطاها عن شتاء رب البريـّه=
كيف نامت في كفنها..! ولحّفوها في ترابه..؟
ليه راحت دون علمي ؟ للوعد جبت الهديـّه=
ليه راحت وتركتني ؟ ضايع ٍ يطرد سرابه
(نوره ) إنتي ليه رحتي روحة ٍ من غير جيـّه=
ليه خليتي حبيب ٍ حظّه العاثر عثابه
(نوره ) ليه إنتي نقضتي عهدنا وإنتي وفيـّه=
ليه خليتي حبيب ٍ ملّ من كثر الكتابه..!!
(نوره) سهومك بصدري ليه سببتي عليـّه=
ليه رحتي تاركه قلبي سجين ٍ في عذابه
(نوره) الذنب إكتساني وأدري إن الذنب بيـّه=
سامحيني يابعد جدّي .. وعربان الذيابه
والله إني خذت عفشي وجيت بآشد المطيـّه=
والخبر كسّر عظامي مثل رعد ٍ ينحكابه
ياعذاااااابي لا تذكرت العلوم الأوليـّه=
قصة ٍ كل من سمعها يفقد العاقل صوابه؟!
بنت بدو ٍ .. ماتعرف &المملكه والفيصليـّه&=
آآآآآه يامحلا كفوفه لاتزاها في خضابه
ماهوت حي العليّا .. أو قصور العاذريـّه=
تشتهي برّ ونفود وليل قداح ٍ شهابه
بنت عز ٍ من رغدها ربعها جيش وسريـّه=
لا بغت شي ٍ تنوله لو على قطع النسابه
لا لفاها ضيف ربي صاحت بيّالله حيـّه ..=
ورددت في صوت عفّه مرحبابه .... ياهلابه
ماخطف قلبي وشتت غربتي ياكود هيـّه=
وماذبحني بالهوى ياكود من فكري غدابه
فيه من شهر رمضان وفيه من عيد الضحيـّه =
وفيه من كيهوم حائل الحلا كاسي لعابه
كيف تبكيه العيون الصادقه ترجيه ريـّه؟=
والذي كفكف دموعه حق ملعون ٍ جنابه!
من بعد موتت حبيبي صرت مجهول الهويـّه=
ضاق وسع الكون فيني من بعد ذيك الرحابه
من بعد موتت حبيبي الخوي خلى خويـّه=
والقطاعه باديه في نفي عمّان وقرابه
من بعد موتت حبيبي زدت غلّ وعنصريـّه=
إنطويت وكل شي ٍ أكتفي في إجتنابه
عل تفداه العيون الناعسه والنرجسيـّه=
يابعد ريحة رضيع ٍ قلدوه أحلى ثيابه
عل تفداه الليال الماضيه والمقبليـّه=
يابعد ريحة مشار وريح برزان ٍ .. وطابه
على تفداه القبايل والحضر والجاهليـّه=
يابعد حائل وأهلها .. عن مطبات الخيابه
عل تفداه البنات وساكنين اللاذقيـّه=
يابعد خل ٍ كذوب ٍ خلّه الوافي هقابه
ليتني ماشفت خلي وسط حي <العاصميـّه>=
ليتني أصمخ كفيف ٍ ماتتقا من جوابه
لو قصيدي فيك ذنب ياحلاته من خطيـّه=
أبشري في نظم قاف ٍ ماتعثّر في ضبابه
ياسحابه إغسلي قبره بسكّاب ابرديـّه=
وعلميها إن قلبي مانساها ياسحابه
وعلميها إن قلبي مايطالب بالجزيـّه=
وعلميها إن قلبي حب بالدنيا عتابه
ياأطهر من الماء ياأجمل من نهار ٍ شع ضيـّه=
ياأشرف من اللي تنخوى لا من الطفل إنتخابه
لاصباح فيه خير وكل طير ٍ ثار غيـّه=
إشتكى من صبح ٍ أقشر ينعق بغصنه غرابه
الطموحي صار محبط في وفاة الغنجهيـّه=
والحبيب أصبح كريه من بعد ذيك الحبابه
والنهار أغبر وطوّل ليلنا بالسرمديـّه=
والدروب هجووووود بعده آآآآه ياكم من سعابه
والهدب عيّا وداعه والعيون المهمهيـّه=
إنعمت من كثر دمع ٍ ماحسب لجله حسابه
جادليه احرمتني .. جادليـّه .. جادليـّه !=
من فراقه .. كل موجه وسط قلبي بإضطرابه ؟
كف حاني .. قلب عاني .. لاحكت لي سامريـّه=
لاوطت بالقاااااااااااااع تزرع من ربيع الله مهابه !!!
عفت كل بنت ٍ بعدها ولا يصيد الحرّ زيـّه=
الفراق إجتاح قلب ٍ جرحه الدامي رعابه
لو تحس القاع (نوره) إنطوت مليون طيـّه_!!=
والجزيــرة صابها خسف ٍ شنيع ٍ من ثوابه _؟
أشهد إن الزعفران بريح قبره مو شويـّه=
والخزامى جات عنده واتركت عالي هضابه
يالله إني رافع لجلك على الرحمه يديـّه=
ياإله الكون أرجو دعوتي له مستجابه
سامحيني عن غيابي وموتت الغالي بليـّه=
لكن الغايب حبيبي عذره الكافي غيابه
ياهلي تكفوووون هذي قصتي ويّا _<الوصيـّـه>_=
و_<الوصيـّه>_ غصب تعمل حق مافيها طلابه
#إدفنوني عند قبره وإفتحوا قبره عليـّه..!=
عل عيني تشوف نومه لين يصحى من غلابه..؟#[/poem][/frame]
(عل عيني تشوف نومه لين يصحى من غلابه)
(عل عيني تشوف نومه لين يصحى من غلابه)
تحياتي لكم جميعاً ..
الشاعر / نايف الشمّري ..
شمـــ سنعوس ــــر
