خالد يا أمير الشعر ( القصيدة التي تشرفت بإشادة الامير خالد الفيصل )
[align=center]احبابي
حفظهم الله
بعد التحية والاحترام
يسرني ان اقدم لكم القصيدة التي تشرفت حروفي بذكر امير الشعر والشعراء
الامير خالد الفيصل حفظه الله كما اقدم الشكر الجزيل لاخي الاعلامي السعودي
احمد الجميعة على ما يبذل من جهود لنقل الأخبار الأعلاميه الشعرية فجمائلك كثيره
ومنها منتاج قصيدتي الوطنيه التي تم عرضها في قناة الأخباريه بعنوان الفية الرثاء والولاء
فقد شرفتني في اكثر من مناسبه ويكفي هذه الصور لقصيدتي التي لبست تاج الشرف
لإهدائها لامير الشعر والشعراء حفظه الله فهذا العمل سيبقا اجمل تاج ووسام فخر في مسيرتي الشعرية [/align]
[poem=font="Simplified Arabic,6,indigo,bold,normal" bkcolor="transparent" bkimage="backgrounds/11.gif" border="none,4,gray" type=2 line=0 align=center use=ex num="0,black"]
خالد يا أمير الشعر يادايم الـسـيـف = يا فارس الكلمة الى عرض الـطيـف
يا اللي وضعت الشعر في راس تشريـف = و رد يت له طـعـمه وريحه ولونه
ياعاسف الكلمة كما عسفت الـخيـل = عـلى الـطـروق الـلــي تـبـيـهــا بلا مـيـل
حلحيـل بن حلـحيـل من جـد حـلـحـيـل = نـسـل الـحـرار الـلـي الـعـدو يرعـبـونه
يـكــفـيــنـا مـن حــرفــك مـحـزم زهــابــه = و في كـل حال جـاهـزات ركـابه
حــرفــك كــمــا رجــل شــجـاع ثـيابه = مـتـشـمـره و دايم مـنفـذ ردونه
صقر وحبارى وخيل وضبي الصحاري = وطـعـس وغدير وعـشب روض البراري
و الـقـمـرا والنجـمه ولـيـل الـغـداري = و ضــو و معاميل و سـحاب و مـزونه
ونجـد وهواها ونـخلها وقصرها الـطين = وسـيـف الـشـجـاع الـلـي يذل المــعاديـن
و قـصـة بــنــاهــا دولــة الـعـز و الـديــن = و حكـام صلـوا لــواحـدا يـرتـجـونـه
رسـمـتهـا لـلـفـكـر صوره مـن الـقـاف = صــوره حـقـيـقــيـه مـن ابلاغ الاوصاف
اليا قـريناهـا غــدت كـنـهـا تــشـاف = بالـعـين مـن هــاجـس رسـمـهـا بـكـونـه
مـنـك عـرفـنا الـعـين تــقــدر تـكلــم = و دون الكــفــوف الـرمـش يــقــدر يـسـلـم
عــــز الله انا مـــنـــك دوم انــتـعـلـم = الـحـب و ســلـوم الــعــرب مــع فــنـونـه
من بادي الـوقت الـبـشر حـطـهـا امثال = و في كل مـجــلـس اصبـحـت دوم تـنـقـال
لـومـرت عــصـور عــلـيــهــا لـلاجيال = تــبــقــى و شاعـرهـا بها يــذكــرونــه
و الـحـكـمـة نـلـقـاهــا بزمـان الـعجـايـب = مـن راس شاعـرهـا لـحـل الـنـشـايـب
لــروس عــنـيـده و الـقـلـوب الـعـطـايــب = فــيــهــا جـوابه دون مـا يـســـئـلـونه
و قـصة عنود الصيد وستـل جـنـاحه = لراعي المـقـانـيـص اصبـحت لـه سلاحه
و فـطـنـة فـــؤاده في مـسـاه و صـبـاحــه = يـوم قـراهـا قام يــقــنــص بهونه
وحرفه بغريب الدار يـحكي عن السور = الـلـي يرد الصوت مـن قـلب مهجور
يـسـئـل عـن احــبــابــه ولا يـسمـع الـشور = فـيهـم مـــن الادنين حـتى يجونه
و طــال الــسـفـر لــو قــالهــا كل مـشـتـاق = لـخـل رحـل عـود من الـود مـنـسـاق
يـحمـل معاذيره و يـحـضـنـه بـاعـنـاق = و يـقـابـله و ماتصـد عـنه عـيونه
و سمــرت تـحـكي خـوته لـلــقــوافي = الـلــي يحـمـلها هــمـوم خـوافـي
و خـوت نـجـوم جـوهـا دوم دافـــي = مــن الـقـوافي الـدافــيـه و الـحـنـونــه
اون مـن صدره اســكـتـت كــل ونـه = مـذهـوله بـتـسـمع وش الـلي يـكنه
حتى ونين الريح وقــف يـضـنه = يــشــكي عــلــيـه الـحال يـبغى المـعـونه
و الـلــي يعاني و مـاعـرف سر آهـات = في داخله يـسـمع قـصيدة معانات
ويـدري حـيـاتـه يـعـيـشـها كيف ماجات = ياخذ من ايامه و يـســدد ديـونه
صـادق ابـو بـنـدر تـرى الكـايـد احـلـى= لا من بــغـيـت الـعـز و الـراس يعـلى
لا تـنظـر الهـين ولـو لك تـحـلى = و ما كل مـعـروض الـبـشـر يـشـترونه
و في من يقـول الــزيــن رسـمـه للاشـبـاه = الوانها حـروفـه و بـروازها شـفـاه
نـشـوف فــيهـا كـيـف مـعـبـود سـواه = جــمـال عـن زيــن الـبــشـر يـفـرقـونه
حكـمـة و احـاسـيـس ومعاني وتـشبـيـه = نلـقـا بحـرفـه جعـل ما يـوم نـبـكـيـه
و هـذا الــذي خــلا الـبـشر دوم تـطـريـه = شـعـر لـقـو به كل شــي يـبـونـه
حرفـك غـدا كـنه غــذا مـنـه نعـتاش = حـرفـك لــقـيـنـا فـيه مـايـبرد الجاش
حـرفك يـدل الــفـكـر لاصار مـنداش = في حـيرته في ضـيـعـته في ضنـونه
عرضه ولويحاني وصخـري ومسحوب = وهـجـيـني بحـروفـك لـقت كل مـطلوب
حـرفـك على طـرق الـشـعـر كـنـه يذوب = شـهـدا مـن شــفــاهــك يحلي لحونه
عـز الله انك فــارس الـقـاف والـطـرق = مـن شـعـرك اللي بـين الاشـعار به فـرق
ولونـسئـل الاشـجار عن طاير الـورق = من وين لحنه تـقـول خــــالــد غـصـونــه
من مـثـل ابـو بـنـدر لمس كـل احـسـاس = بـحـروف شعره واعجبـت كل الاجناس
مــن مـثـل قـافـه بــالـقـوافـي للانـفـاس = اصـبح مـثـل عـطر الـبـشـر يـنـشـقـونه
والله أمــير الــشــعــر يادايــم الــسـيـف = مـن حرفـك الـلـي مـثـمـرا دايم مريـف
ودي اوصف فيـك وياصعب توصيف= مثـلـك وابي مـني الـعـذر تـقـبـلـونـه[/poem]
[align=center]ولكم خالص تحياتي وتقديري[/align]
