]@@ من عيوبي @@
لا من لمحت نجوم سلمى تهاون
سمّيت بإسم اللي ستر لي ذنوبي
يامن على عرش المحبه تسلطن
روفي بحالي يابنيّه وتوبي
يا جنيه يا دولار يا فرنك يا ين
يا توت يا رمان طلع الجنوبي
ياقاهر العذال لا منّهن جن
يا ضحكة ٍ بانت بعين الكذوبي
يافرحة الكسبان لا من شرى صن
يامن أحس إنه مثل لمس ثوبي
واجرحي اللي كل ماقلت : هوّن
هبّت هبوب الجرح ويّا هبوبي
ياشينها لا صرت مجروح ومِن .. مَن ؟
من خلّي اللي عشت لجله عزوبي ..!
والله لو إنتي ساكنه وسط لندن
لآ جيك وأعلن للجزيره هروبي
يفداك طفل ٍ له عيون ٍ تجنّن
وتفداك هيفاء بنت وهبي .. وروبي
ويفداك شيخ ٍ بالمعونه تمنّن
ويفداك من قضّى الدراسه رسوبي
ويفداك من كيّف على ريحة البن
وبسبّتك .. ربعي هنا فضّحوبي
ومن يشمت بثرمان .. يضحك بلا سن
ومنهو تكبّر ماتودّه دروبي
إسمع كلامي واحفظ الحكي الأزين
وإقرا وداع الشمس وقت الغروبي
أنا .. على عشقي تذابح بي الجن ؟؟
وهذي حبيبي .. خصلة ٍ من عيوبي !!
الشاعر / نايف الشمري
