سؤال محيرني

مســــــــــــــاء الخير
بما انه اول موضوع لي في ها القسم أتمنى يكون حلو :يمه:
بما أني مو من سكان الرياض بس كل عطله أكون فيها لاحظت ملاحظه أنه البنات
اذا كان قدامهم أجنبي مايتغطون واذا سعودي يتغطون وش الحكمه من كذا :بفكر:
ليش ها الاجنبي ماله رب ومو رجال بعد والا الغطاء بس عن السعودي ( عشان مايزعلون بنات الرياض أنا بصراحه ماروح الا للرياض ) موضوع من وجهة نظري يحتاج للنقاش .
تقبلو تحياتي :11mmer3:
أختكم :أروووى

أروى ..
0
0
0

ومن ســـمـــعــكــ....!!

انا اشوف ان هالمشكله موجوده ..

بس ماهي متفاقهم لحد إنها تكون مشكله بمعنى الكلمه ..!!

يعني ماهم كل البنات كذا ..

فيه بنات محترمات يروحون ويجون ..

ولا صار معهم هالشئ..!!

عاد اللي تشوف انه هذا شئ عااادي..

توقف قدام المرايه ..

وتسأل نفسها ..!!

من هو أحق الرجال بالنظر لهذا الوجه..!!

وصدقيني إذا لقت الإجابه ..

راح تعمل الصح..

أشكر لك طرحك الصريح ..

ومشاركتك الجميله ...

دمتي بود .. ولا عدمناك ..

00تحيتي00

مشكور اخوي الفيصل وصح فيه بنات محترمات وفيه................

اروووووي وجهي السؤال لبنات الرياض خاصة


وبنات المنتدي عامة يمكن تلقين الحل عندهم


لانا بصراحة معشر الرجال محيرتنا الاجابة

[align=center]أحب أشاركم موضوع حلو

يمكن يكون في الرياض وغير الرياض ودول الخليج وفي كل مكان

أنا بكتب المثل عندي ومشهور في المجتمع الخليج لاأقصد

الاساءه للبنات على قولت أخوي الفيصل صح للسانه في بنات محترمات


المثل هو ويمكن تعرفونه


يقول المثل( عنز الفريج تحب التيس الغريب)




أخوكم /ســــــــــنايدي

أسف جداً اذا احد زعل ترى هذا مثل من الامثال
ودمتم[/align]

والله ياشباب الموضوع يبي له وقفه




وانا تكلمت فيه من قبل



المهم ان كل بنت حره في افعالها واذا ابوها ما ردها ايش بيدنا

اشكرك اروى على طرح السؤال..

.

.

لكن انا معكـ..

لاني اشوف كثير من النوعيه هذي من البنات يتصرفون هالتصرف

مره كنت في احد المجمعات وطبعا معي اهلي..>>>>ارتاحوا ماهو لحاله

المهم الاخت فاتشه وجهها ودقة سوالف مع الهنيدي والسوري ومعها الجزمه يعننها تسال عن القيمه

ولما دخلنا وهي تغطى ..

استغفر الله..

ومره خلال اليومين هذي اللي فاتوا تجيك هالبنت قدامكـ وتطلع المرايه والروج ويالله عبي هالفم بالروج الاحمر..

يعني عليهم حركات وتصرفات ماادري شلون تطلع منهم..

الله يكافينا شرهم..ويحفظ اخواتنا المسلمــات..

ولي بااااااااااكـ

تقبلوا خالص تحياتي.

محمد الشمري

مشكور اخوي الاعصار
وكان بودي يتفاعلون مع ها الاموضوع بنات

سنايدي شكرا لك على المرور
واذافيه احد بيزعل من مثل راح يكون ..............

ياسر الزهراني ألف شكر لمرورك
وعلى قولتك اذا ابوها ماردها ايش بيدنا:برافو:

هلابك أختي أروى


وأنا ملاحظه هالشي

ولا وأزيدك من الشعربيت

بعضهم تدق اللثمه وماسكتها بيده يعني مو نقاب لا تتحجب وتشيل طرف اللفه وتحطها على فمها (اللهم لاشماته)

وتقعد تدور بهالسوق مدري ماتوجعها يدها وهي ماسكه هالثمه

وبعدين الخشه وش بها منالزود مغطيه ياتتغطى زين ولا تشيل أريح (بس عشان يطمنون هالشباب أنها شيفه موتخدعهم )





وفيه نوعيه ثانيه وهم من غير المواطنات لما تدخل المحل تفتش كليا ولماتطلع تسدل النقاب

ليش ؟؟

عجـــــــبي من أناس التخذو الدين على أهؤائهم

محمد الشمري الله يعافيك على المرور

الاميره الناعسه وانا كمان ملاحظه ها الشي

اروى...


بالفعل هالشي شاهدته..

مانقول الا الله يهديهم

الحمد لله الذي عفانا مما ابتلاهم

سبحان الله أنا اعرف ناس كذا وإذا قلتلها ليش تقول طيب انا متحجبه
ياناس الله ماقال تسفعي وامشي قال (قل للمؤمنين يدلين من جلالبيبهن)

والله انك صادقه يا اروى..........


من جد انا من سكان الرياض واشوف الكثير من ها النوع.....


ما ادري الاجنبي محرم لهم ولا ايش.................


بس يمكن ما يتغطون منه عشان الاجنبي في نضريتهم ما يناضر ومحترم....ترا الكلمه للتقريب بس



مو مثل الشباب السعودي........يذبون حكي ومن هاذا القبيل............


يسلمو...الله يعطيك العافيه يا اروى الموضوع شيق وحلو

حنين الماضي أسعدني مرورك

ياناس الله ماقال تسفعي وامشي قال (قل للمؤمنين يدلين من جلالبيبهن)
الفقيره لله الله يجزاك خير

قويه الأمل أسعدني مرورك

حتى الشباب إذا دخلوا بقالة وووجدوا سعودي يبيع .
قالوا له:- (الا مافيه كبينة تلفون قريبة منكم )


والعلة تكمن في زمار الحي .. .. .. ..

اقتباس:

---

بما أني مو من سكان الرياض بس كل عطله أكون فيها لاحظت ملاحظه أنه البنات
اذا كان قدامهم أجنبي مايتغطون واذا سعودي يتغطون وش الحكمه من كذا

---

ههههههههههههههههههههههههه ههههه

^

^

^
استغفر الله

هذا مو شرف لي
ولكني من هؤلاء البنات

مدري احس القرسون او السواق
او غيرهم من الاجانب


احس ماله داعي نتغطى منهم
مدري

اعتبروه تخلف

وفي سبب ثاني

ان الاجانب
شوي ما فيهم شفاحه على البنت

يعني تفتشيله او ما تفتشيله عادي
ما يهمه


اما الولد
الي في الرياض ====>> طبعآآ الكلام ما يشمل الجميع
لا تزعلون مني

لاما يشوف البنت
يجلس يطالعها
ويلحقها

هذا ما عدا
يا حلوه
يا ام عيون حلوه

وغيرها

ما اقدر اعددها

وبس

وش دعوه

مسويه مشكله

وسؤال محيرك

السؤال مايحير ولاشي


وأنا اختس اعلمس القصه

هو تدرين ليش مايتغطون السعوديات مايتغطون عن الاجنبي لأن الاجنبي متعود يشوف الحريم فاتشات

فلو طلعتي فاتشه ماهمه

اما السعودي غير لانه الحريم هنا في غطا فيستغرب اذا شاف وحده فاتشه ويقعد يناظر

والله انس صادزه يا مهبوله 2

بس ولو المفروض هالحريم يتغطن عن الاجانب والسعودين

من وجهه نظري إن الامر هو عدم إحساس بالاجنبي والخوف منه .


فكما قال الاخ فيصل ليس جميع البنات بل البعض .

ولعل من هذة الاسباب .

عدم التربيه الصحيحه




فوالله ياأخت اروى لو نريد ان نقبع الستار لوجدنا الكثير والكثير من الامور
اللتي تشابه هذا الامر . ولكن يحفظ الله الجميع .


تقبلي فائق التحايا والاحترام


اخوك.. السلمي

شطر روحي , ميرال , مهبوله 2,3 ,السلمي
شكرا لمروركم جميعا