هكذا الدنيا نزول وارتحال..
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المراجـل للبنـادم راس مــال
والبنـادم راس مــال عيالـهـا
خص لامن سنـده جـدٍ وخـال
تستعـز الخيـل مـن خيالـهـا
ذاع صيته فالجنـوب وفالشمـال
تنشـرا لبيضـاء بأسـم رجالهـا
تفتخربه لابتـه فـي كـل حـال
مـالـه إلا والنـعـم وأمثالـهـا
كـامـلٍ طيـبـه ولله الكـمـال
المراجـل تفتـخـر برجالـهـا
قالهـا ماللجـبـال إلا الجـبـال
بيض الله وجـه مـن قـد قالهـا
مجلسه منصى صناديـد الرجـال
بـاب بيتـه ماانقفـل زرفالهـا
القبول الزين مع صفـر الـدلال
عـادةٍ لـه ماتـبـدل حالـهـا
الثقـال اخفـاف وخفافـه ثقـال
الحـمـول الكـايـده يشتالـهـا
كان فيه محـال ماعنـده محـال
الصعيبـه لعـتـزى يرثالـهـا
راس مالـه لاجنيـه ولاريــال
راس مالـه وقـفـةٍ يحسالـهـا
جمل الله حال وافيـن الخصـال
شجـرةٍ يرتـاح تحـت ظلالهـا
سر حالك محزمي من كل حـال
فـي قفايـة ليلـتـك وقبالـهـا
طال عمرك ياذرى الملهوف طال
ياشقيـق الارمـلـه واطفالـهـا
خذ لفـاك الفـال يقفـاه العقـال
قالهـا مـن قـال كلمـه شالهـا
الاجابـه قلتهـا قـدر الـسـوال
فـي دقـاق بيوتهـا وجلالـهـا
الحقيقـه مايضاهيـهـا خـيـال
الفـعـول تشاف..مايبغـالـهـا
من بنى بيته على جـرفٍ هيـال
ماتـعـدى حلـتـه ترحالـهـا
مايضـر البينـه كثـر الجـدال
سلـعـةٍ ماباعـهـا دلالـهــا
من توقى الشمس يبشر بالظـلال
ماتـفـارق دلـتـه فنجـالـهـا
من كسا القصار ملبوس الطـوال
تشـره العقـده علـى حلالـهـا
السنيـن شهـور وايـام وليـال
مامحـا التاريـخ رسـم اجيالهـا
كل طلعـة شمـس يقفاهـا زوال
تمشـي الدنيـا علـى منوالـهـا
(هكذا الدنيـا نـزولٍ وارتحـال)
شرهـة الكلمـه علـى عقالهـا
وان بغيت اضرب على الدنيا مثال
غترتك من حطهـا وعقالهـا؟؟؟ [/poem]
