عجـــــــــــــــايب عندها لكم سالفة.......تعالوا بسرعة ...!!!
مساء الخير على الحلوين .... وصباح الخير على الشينين ....
(((( الحلو ما يطلع إلا بالليل ... والشين ما يطلع إلا بالنهار ))))
لكن مثل حالاتي ..(( حلوة بالمرررة ))) أطلع بأي وقت وبكل وقت ...>>واثقة
المهم .. كيف الحال .. وش الأخبار .. عساكم بخير .. وعساكم من عواده .. وكل عام وانتو بخير ... ومبروكين ان شالله ... ويتربى بعزكم .. ومساء الفل والياسمين على اللي عن عجوبة الحلوة ساهين .. وتسلم لي طلة كل واحد ووحدة في هالصفحة ...
ويالله ياربي انك توفق كل من يقرا ويعلق عليّ وتسهل له كل دربٍ زين مشا به .. وتزين يا ربي خشته (( إن كان شين )) وتزيده حلا (( إن كان زين )) وتعطيه ياربي كل ما يتمنى وترزقه الرزق الحلال الطيب ......>>>>> كأنها دعوة عجوز؟؟؟
والله من زمااااااان عن الكتابة ... ومن زمااااان عن السوالف ... يللا على العموم بنطلّع اليوم المواهب ... ونفرش العضلات ...
اليوم بسولف لكم وكأني قاعدة معاكم بالمجلس .. لالا أحسن بالصالة ..
ترى السالفة طوووووووووووووويلة ... يعني افصلو الخط ....
نبدأ بسم الله .........
في يوم من الأيام .. وبينما كنت قاعدة على الكرسي الهزاز (((( ماني بعجوز )))) وقاعدة أقرا كتاب >> والله من زود الدفارة؟؟؟ امتحانات ومخلصين أجل وشو ؟؟ زيادة ثقافة؟؟؟
لا .. والله قاعدة أتصفح كاتالوج أدوّر لي على موديل لفستان ,, تدرون الإجازة وفتحت أبوابها ...
وإذا بالهاتف الجوال يرررررررننننننننننننننننن نن...
أنا : ألووووووووووووووو... هلااااااا والله وغلااااااااا
؟؟ : هلا عجوب ,,, كيف الحال يا قلبي ؟؟
أنا : هلا رمووودة يابعد كلي ... أنا أحمد ربنا وأشكره ..
رماد : والله يا عيوني ضايق صدري .. قلت خليني أدق على عجوبة أتسلى ..
أنا : يا حيا الله هالصوت .. وياالله انك تحيي ذا الساعة اللي ذكرتيني فيها ..
رماد : هاه يا قلبي وش تسوين ألحين ؟؟؟ عسى بس ما أشغلتك؟؟؟
أنا : لا يا لوعة كبدي ... بس كنت أحوس بين هالكاتالوجات ... بس ألحين .. امممم عشانك أفضى والله ..
>>>>>>>>>>>>>>>>> كأنه صار مغازَل؟؟؟!!!!!!؟؟؟!!!؟؟؟
رماد : تسلمين والله .. طيب ما لك نية تطلعين اليوم ؟؟
أنا : اممممممم ما فيش أي إشكال ... انتي عاوزانا نروح فين ؟؟؟
رماد : والله مدري شوفي لنا مكان نروّق فيه ..
أنا : أها عندي لك مكااان .. يجنن ..
رماد : وين؟؟؟
أنا : نروح نتقهوى عند نويّر؟؟
رماد : لا يا شيخة !!!! هذي ما عندها روقان هذي ما وراها غير الحش في خلق الله ..
أنا : طيب طيب ... خلينا نروح كوفي شوب هادي ..
رماد : ايه كذا التفكير ولا بلاش... خلاص بجيك هناك الساعة ثمان ..
أنا : خلاص يا قلبي نشوفك هناك ...
رماد : عجوب!!!! انتي ومين ؟؟
أنا : أنا لحالي ...
رماد : تقولين نشوفك؟؟
أنا : طيب أنا اسمي عجايب جمع عجيبة يعني حرام أظلم الباقين .... يللا عاد .. باي
رماد : أوكيه .... باي..
ورحت أدربي رويسي عند الشايب .....
أنا : السلاااام على أبو الشباب ....((( داخلة على أبوي ولا على ديوانية ))))
أبوي : ياعسى السلاااااااال اللي يصيب بليستس !!!! روعتيني !!! تنحنحي قبل ما تدخلين مرة ثانية ..
أنا : طيب طيب ... لا تنفخ ... المهم .. تدري انك أحسن أبو في هالبيت ؟؟
>>>>> ليه كم أبو في البيت ؟؟؟
أبوي : ايه ادري .. لأنه ما في البيت غيري ... يعني غصبن عن خشمتس بكون الأحسن.. وش تبين ..؟؟؟ اخلصي وراي أشغال ... ماني بفاضي لسوالفتس ..
أنا : يا بعد عمر أمي وأبوي وطوايف أهلي ...
أبوي : وش تبين ؟؟؟؟ بسرررعة ؟؟؟ يؤؤؤه كذا زين ؟؟
لاااااااه ... حسبي الله على ابليستس .. شفتي ..؟؟؟
أنا : وشووو ؟؟ وش سويت ؟؟
أبوي : خسرتيني في المرحلة النهائية...
>>>>>>>> قاعد يلعب بالسوني (( بلاي ستيشن ))
أنا : والله ما قصدت ... بس أبغى أطلب منك شي وبذلف عنك مثل خطفة البرق ....
أبوي بنرفزة طبعاً : هاتي وش عندتس؟؟
أنا : أبي مفتاح السيارة ... بروح أتقهوى مع رماد ..
أبوي : أي سيارة ؟؟
أنا : اللكزس الكشف اللي مركبين لها تظليلة برتقالي ..... يعني أي سيارة الله يهداك ..؟؟؟
أبوي : والله ان ما وراتس انتي و رميد إلا الدجّة ..
أنا : هاه وش قلت؟؟
أبوي : طيب لا تتأخرين .. بس ترى المفاتيح عند الشغالة خذيها منها إذا ارجعت من البقالة .. أمتس موصيتها على كم غريضة تجيبها لها ..
>>>> أفاااااااا يالهذا الزمن ؟؟؟ الشغالة تروح للبقالة وانت قاعد تلعب مصارعة ؟؟
أنا : طيب على العموم أنا طالعة توصي شي ؟؟؟
أبوي : ايه جيبي لي قوطي ببسي وانتي جاية عشان أحلي فيه بعد القهوة ...
أنا : يللا سلااااامن علاااااهم..
وأروح وآخذ لكزس أبوي المدرّع (( أقصد المدردع ))
خذو الوصف عندكم : وانيت أسود من سنة سكتو الحوض لونه برتقالي مركب صدام أخضر ولمبات الضباب وحدة ووحدة طافية تقولون عورة ... ومشكشكة لمبات من فوق(على السقف) تقولون لمبات عرس .. وأعلام صغيرة ملونة تقولون اعلام سيكل ... يعني الشكل جنااان .. لا ومشغل فيه شريط سامريات شعبان عبدالرحيم .... يا سلاااااااام عليه .... يقول في أول مقطع ..
أنا بكره اشوف بقرة تنادي الثور يا خطير ...
أنا راكب ددسن عربي ... فيه الحصان بيطير ...
هيييييييييييييييييييييييي يييييييييه
أنا بحب أسمع ولادي يقولو لي يا وزير ..
مع اني بركبهم قاري ويجره أوسم بعير ..
هيييييييييييييييييييييييي ييييييييه
.....
.....
.....
وللأغنية تكمله ... تلاقونها عند غريبيل ...
والله أبوي ماهو بهين ..
المهم وأشغل ذاك اللكزس المتألق وإذا بصوته كزئير البعير ( دردع دردع دردع دردع دردع دردع دردع دردع دردع دردع دردع دردع دردع دردع)
وأشخخخخخخخخخخخخخخخخخخخخخط فيه ذيك الشخطة .. ما تشوفون غير رملاني متناثرة >>> كناية عن شدة الغبار
وأنا بطرقي ... وإذا بالكفر اللي يقول طااااع .. ثم ... فسسسسسسس... وتتدحدر السيارة >>> يعني تهبط وتنزل بهدوء سريع.. وأسفط على جنب... أبد جنب البحر .. ما بيني وبين البحر غير موجه وحدة ..
وأنزل عشان أشوف وش صاير ..
وأشوف الكفر منسم تنسيمة شينة والله ... والله وأدق على رميد وأقول لها تراني بنشرت .. انتظريني ..
وأدق على أبوي وأقول له تراني بنشرت بعد ..
يقول لي : طيب عادي حاجة سهلة ... افتحي الشنطة والكبوت ووقفي على الرصيف وطالعي يمين ويسار ... كل عيال الحلال بتلاقينهم في وجهتس ..
>>>>> تدرون ما يبي يفوت المباراة النهائية عشان ما يضيع الكاس..
وافتح شنطة الددسن وكبوته بعد وما أمداني ركزت الكبوت إلا بالشعب وراي مصطفين ::::: ........
واحد يقول : أي مساعدة ؟؟
والثاني : لااااااااااا سلاااااااماااااات !!!
والثالث : الحمدلله انه في هالسيارة ولا فيتس..
وواحد : وش ذا السيارة؟؟ وش نوعها ؟؟ بكم شريتوها ؟؟ من وين ؟؟؟ من وكيلها ؟؟؟ تصدقين انها روووعة ؟؟؟ والله تجنن !! بس خسارة انك راكبتها ..
وواحد : عسى ماشر من متهاوش ؟؟؟ لا لا كل واحد يصلح سيارته !!
وواحد : وشووو متهاوشين ؟؟؟ يؤؤؤؤ لالالالا صلو على النبي الله يهداكم ...
وواحد : من اللي صدم بالثاني ؟؟؟؟ اعترفوا أحسن لكم .. تراني كلمت الشرطة ..
وثاني : لاااااا ماله داعي الشرطة احنا اخوان ونعرف شلون نتفاهم ...
وثاني بعد : عسى محد تعوّر بس ... في أحد مات ؟؟؟
وواحد: ليه تشكين للبحر همّك ؟؟؟ مسكين البحر اللي فيه كافيه ...
صجة .... صجة ... صجّة .... صجة ... صجة .... صجة ... صجّة .... صجة ...
أنا: آآآآآآآآآآآآآآآآآه خلااااااااااااااااااااااص ... ما صار شي ... بس الكفر مااااااات ..
مين يعرف يغيره ؟؟
؟؟ : أنا .. أنا أنا...>>>> تهاوشو
المهم وصلنا أخيراً لحل وسط .. كل واحد يفك له شوي وكل واحد يركب له شوي ..
وخذا الموضوع كله خمس ساعات بس ..
ولما ركبت سيارتي وكلن ركب سيارته .. لقيت الكرسي اللي جنبي مليان كروت ماشالله تقولون قصة حياة كل واحد في هالكرت ...
الاسم والعمر والحالة الاجتماعية والايميل ورقم الجوالات (العام + سوا) وإذا ما لقيتيني هنا ولا هناك هذي أرقام اخوياي يمكن اكون عند واحد فيهم أو يمكن يصلح لك واحد فيهم .. وهذي الصورة معها بعد ...
ما شالله غير رقم البيت والمكتب والفاكس والتلكس والفضائي والأرضي ..
بعدها ضاق خلقي وأنا بهالسيارة ماشية ... دقيت على رميّد ..
أنا : هلا رمووودة قلبي ...
رماد : هلا عجوب... وينتس؟؟ تأخرتي !!
أنا : أقول دربي راستس لبيتكم بس ..
رماد : ليه عسى ماشر ؟؟؟
أنا : الساعة ألحين ثلاث العصر بتوقيت السنغال ..
رماد : طيب وخير ياطير عندنا الفجر .. يللا بس تعالي ..أنا قاعدة في المقهى مع الشباب ..
أنا : مع مين ؟؟
رماد : والله لقيت هنا طيف الوله جاية مع غادي والتفاحة ورسم الكلام ودموع الحنان ومجروخة الزمن ..
أنا : والله ومجتمعين ؟؟؟؟ بس أنا مقدر أجيكم لأن جدول مواعيدي يقول ان في مباراة بشوفها في ديوانية يزيد وشباب المنتدى مجتمعين بروحلهم ألحين عسى يمديني .. المنتخب بيلعب بس مدري الساعة كم ..
رماد : يللا إن أمداني الوقت جيتكم .. يللا باي ..
........ طوط طوط ...
والله وأدخل على الشباب في مجلس يزيد إلا وأشوف الزحمة ... يا سلااااام والله في ناس من زمان ما شفناهم .. مثل ( همس المشاعر , غالي الأثمان ، العاصي ، فارس, العميد، سيف العشق ،الرئيسة , عسيب,جرح الحبيب , غادة ، الواثق ، الباسل، الكايد ,البطي ,البتال ،المرجوجة ,فاطمة جمال ,دموع الحنان ,البرنس،المرجوج ، أبو نوال ... وغيرهم الكثير الغايبين ) والله انبسطت يوم شفتهم ..
هذا غير الحاضرين اللي منورين الديوانية والله .. مثل ( السيف ، حاكم العشاق , راشد ، بحار الخليج ، راعية الشوق ، هيام الروح ، المملوح ، وينك قلبي، جواد ، مخاوف قلب ، الرهيبة ، عاشق الحب , حساسة ،,...... وغيرهم الكثير )
والله وندقها سوالف ساعة ونشوف المباراة دقيقة وهكذا إلى أن طبت علينا الدورية ...
عشق ياليل ما اطولك ( المرقوق العام ) وسهم ألمانيا ( المفرش التنظيمي ) جايين يعاتبون... بس مدري مين اللي علمهم ؟؟؟؟؟
يقول عشق: أفاااااااااااااا ما تعلمونااااا انكم مجتمعين ؟؟؟؟؟
يقول سهم : ما هقيت انك يا يزيد ما تعزمنّي!!!!!
عشق : من بكره السيرفر لكل واحد فيكم متوقف لمدة يومين ... وسلامتكم ...
نطت حساسة : صح لسانك ... >>>>>> أكيد هي اللي نادتهم ( مطازيز مساعدة المرقوق)
وأسفة جدا على الإطالة ...
وإلى سالفة جديدة بعد كم سنة ...
أدري خيالي واسع وطويل ...
عشان كذا بحاول أختصر في المرات الجايات أكثر من الرايحات ..
تحياتي للجميع ........ عجووووووبة
!!!مشكورة على الموضوع الحلووالسالفة الحلوة!!!
عجوب.... خير .. يالرجه.. وش حايسه!!!
حسبي الله على ابليسك..
ذبحتيني.. هاهاها..هاهاهاهاه..
لا ومدخلتني بالحوار بعد..
لا أحم .. لادستور..
ومخليه الفلم الهندي من بطولتها..
وانا ما شغلتي الا ارفع التلفون وادقدق.....
لا وين موديتني.. كافي.... اقول حامض على بوزك.. نفرك منه والا منه
حاليا... البوابه الرئسيه ماتنفتح.. الا اذا جا يطلع وزير الخارجيه.. او..
وزيرة الداخليه..
قطاعي .. ما تنفتحله البوابه.. الا بأشعار..
وهذي.. على بالها.. هينه الشغله هي وابوها.. والبلي شتيشن حقهم..
حتى في الخيال .. مراح تصير..
اما الشغاله.. شي.. والله. هاهاها..
لا والله الشغالات لهم مستقبل هنا.. بهذي الحاله..
وخير.. مع ددسنك.. اقصد اللكسز المتالق حقكم....
( ترا من صدق عندهم هذي السياره.. مو من وحي خيالها..مثل باقي السالفه.. ).
اما يوم ينسم الكفر.. ذيك التنسيمه.. حشه ناقه.. والا طياره على غفله..
هاها.. لا والا.. الجماهير.. الفزعه..
اما عاد.. المرقوق العام .. والا... المفرش التنظيمي .. هاهاي..
هذي رهيبه.. مطازيز مساعدة المرقوق...
حسبي الله على ابليسك.. موتيييييييييييييييييييييي ني من الضحك..
اللمهم.. مره ثانيه.. حطيني بدور مهم.. وخطير..
كذا.. (مايـــــــــاجي ..) في مزاجي..
هاهاها..
يعطيك العافيه.. يالرجه الدجه انت..
صدق وحده تتحلم بعمق انها تسوق سياره.. لا..وجنب البحر..
قــــــــــــــــــــــــ ـــــــــــــــــــابلييي ييييييييييييييييييني..
تحياتي.. لك.. ياحلوه..
مساعدة الرجه 1.. الرجه 2.. رمووووووووووووووده..
اقول.. شرايك امرك.. اللحين.. بددسنا.. وابيعها..
هي خاربه خاربه.. :)
سلالالالالالالالالالالالا لالالالالالام..
Re: عجوب.... خير .. يالرجه.. وش حايسه!!!
اقتباس:
كاتب الرسالة الأصلية رمــــــاد
وخير.. مع ددسنك.. اقصد اللكسز المتالق حقكم....
( ترا من صدق عندهم هذي السياره.. مو من وحي خيالها..مثل باقي السالفه.. ).
اما يوم ينسم الكفر.. ذيك التنسيمه.. حشه ناقه.. والا طياره على غفله..
هاها.. لا والا.. الجماهير.. الفزعه..
اللمهم.. مره ثانيه.. حطيني بدور مهم.. وخطير..
كذا.. (مايـــــــــاجي ..) في مزاجي..
هاهاها..
هي خاربه خاربه.. :)
وبعدين ؟؟؟؟ لا تعيبين على ددسني لو سمحتي ...
واحمدي ربتس اني حطيتس بدور مهم
يعني مين يحصل له يمثل معي؟؟؟؟
والجماهير الفزعة تراها حادثة واقعية
والبنشر صار لي صدق
>>>>> بس بطريقة مملة
يسلم لي هالمخ اللي يطلع المواقف الصح
وعلى قولتتس : هي خاربه خاربه
وسلااااااااامن علاااااااهم
