شكــــــــوى العزوبيــــــــــــــــه
اليكم هذه الابيات التي نسجتها وصفا لما حاك في نفس العزوبي
واتمنى ان تنال على اعجابكم:
[poem=font="Simplified Arabic,5,orange,normal,normal" bkcolor="transparent" bkimage="backgrounds/22.gif" border="double,6,sandybrown" type=3 line=1 align=center use=ex num="0,black"]
العزوبيــــــــــــــــــ ــــــــــــه
اشكي لربي قصتي دون تزوير
قصة عزوبي في حروفه شكاها=
اشكي الليالي والهوى والغرابيل
ومايشتكي الليله سوى من سراها=
كم دمعة(ن) سارت على دربها سير
دمعة حزن قلب العزوبي بكاها=
يبكي ولا يلقى على الخد منديل
عايش على نارين يصلى لضاها=
تشوف غيرك نام من دون تفكير
اما انت تسهر ليلتك في شقاها=
غيرك يسافر مصر ويشاهد النيل
ويزور واشنطن وبيرت جاها=
وتعيش مأسور الشقى دون تحرير
تكتم جراحك والحقايق تراها=
من لك اذا جاك الوجع والتهاويل
ينظر في العله ويعرف دواها=
تطبخ ولا تعرف تحط المقادير
ترقد وكل الناس تاكل عشاها=
محبوس بين العود (ومخاوي الليل)
(في غربتي) يسكن بقلبك صداها(*)=
هذي حياته واضحه دون تفسير
وماتحرق الجمره سوى من وطاها=
واذا تخرّج عطّل العرس تعطيل
الجيب خالي والمره ياغلاها=
ابوه يصرخ:(قوم من دون تأخير)
دوّر لبنت العز واستر عراها=
قالوا الزواج اليوم صاير تساهيل
غيرك تزوج والعماره بناها=
جابوا شروط البنت من دون توفير
شروطها تهلك مدوّر رضاها=
واذا تزوجها لفى بيته الويل
مسكين قلبه لو يساير هواها=
حياتها همّ ونكاده وتكدير
تحاربه حتى وهي في كراها=
ما ودّها تطبخ ولا تعرف الهيل
وياليتها تعرف تسوي غداها=
مت مثل ما مات البطل سالم الزير
من دون زوجه يبتلش في بلاها=
واصدح بهمّك والشجن والمواويل
وادفن جروح الشوق واعلن عزاها=
كتبت شعري ودّي اليوم تصوير
لأوجاع في قلب العزوبي حواها=
هذي هي احواله بدون اي تعديل
ياسر كتبها والعزوبي حكاها=
وتصبح وتمسي ياعزوبي على خير
مادامت ايام السنه في عناها=
..................................................
(*) في غربتي اغنية لخالدعبدالرحمن[/poem]
وسلامــــــــــــــــــــ ـــــــــــــــــــتكم
.................................................
اخوكم/ صقـــــــــــــر الجنوب
