مسا الخيرات اعضاء وشعراء غرابيل منتدى التميز
ورمضان كريم للجميع واسف للغياب
وهنا جديدي عله يرقى اليا اذواقكم الرفيعه
[poem=font="Simplified Arabic,5,black,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
على الرغم من ضيق الامل وانحصار الطيب =
تلالا بعيني ضو خافت وقداني
مشيته بقلبٍ صادقٍ ماغشاه الريب=
افرّق دروبي لوظلامي تغشاني
الايا قدم رجلي عن المهزله والعيب=
ابشوف في عين الامل كل الالواني
خبرت الليالي ياحمد صدقها تكذيب=
تغرن وانا في دربي الصعب وحداني
اقلب حياةٍماضيه واحضره واغيب =
اسولف علي نفسي وافضفض من احزاني
تجيني همومي كل ليله بلا ترتيب=
علي غير موعد كل ليله تقهواني
خذتني بقّوه ماخذت خافقي تهذيب =
تسود وتسيد وطيفه الشين صحّاني
عبرت الحدود وجيتها بدافع الترغيب =
ابرحل من ايام الشقا دون عنواني
ابمضي برحله غامضه مخطيٍ ومصيب =
اغرّب وانا قلبي علي الشرق يحداني
على ضو قمرا سهرت الساهرين تطيب=
يروح الظلام وضايق الصدر سهراني
اخاوي هواجيسي على نغمة التعذيب =
واغني همومي للورق واعزف الحاني
انا في شبابي توني مابلغت الشيب=
اسوق المطايا للامل واهجر اوطاني
اشوف الوجيه الحاقده مابها ترحيب=
تبسّم نفاق وقلبه اسود وملياني
تقدر حضوري مجبره والحضورمهيب =
تموت الارانب في رجا موت سرحاني
ابي من يبيني وافياوان دعيت صحيب =
يسرن اليا من الزمن شان واشقاني
تهمه علومي لاغدى سايل ومجيب=
الا قيه بالضيقات وان ضاق يلقاني
تراها مخوه ماتبي يالخوي تحسيب =
على السلم الّاول والعمر يالخوي فاني
حفظت الكرامه والرجا في عليم الغيب =
تبعدت عن طرش البحر قدر الامكاني
تآدبت من دنيا العنا ياحمد تآديب =
اعاقب علي الزلات واعفو عن الجاني
لان الحياة الفانيه كلها تجريب =
تشدك وتركض في سباقٍ وميداني
سفر والسفر يامسندي ضيقه وتغريب=
تضيق المساحه كلها بعين الانساني
[/poem]
وسلامتكم جميع
