(( ياسيد الغيد ماغيرك معلقني ,, بآمال وصله ولاحدٍ ضايعٍ غيري )) !!
مساءكم سكر :
[poem=font="Simplified Arabic,5,black,bold,normal" bkcolor="transparent" bkimage="backgrounds/1.gif" border="solid,4,gray" type=2 line=0 align=center use=ex num="0,black"]
الذنب ذنبي وأنا الغلطان صدقني
وارجوك ياصاحبي تقبل معاذيري
إحساسي إنك تحب المزح وهقني
وسويت فيها مثل ( بهجه الاباصيري )
وإلا المشاعر على شوفك تسابقني
ولو غبت عني اشوفك في مشاويري
مدري ألاااحقك أو انته تلاحقني
إحترت من ( توم ) فينا ومين هو (جيري )
يعني أبي منك حتى قبل تعشقني
اليوم بالذات يا ( سيد الغناديري )
تهدّي الوضع أكثر لين ترهقني
وانا اردد ( تفضل طير ياطيري )
محبتك والذي من طين خالقني
لو جيت أبوصف يخون الوصف تعبيري
( أبعد من الشمس ) و (أقرب من شعر ذقني )
و( أشهى من الشهد ) و( أقسى من تفاكيري )
و (أكثر وفاءً ) من حروف ٍ توثقني
ومن سابق ايامها تعمد لتحريري
وهذا انت بظنونك العميااء تحرقني
ولاصار مابه أمل ( عجل بتدميري )
((( ياسيد الغيد ماغيرك معلقني
بآمال وصله ولا حد ٍ ضايع ٍ غيري )))[/poem]
